✨ 鴛鴦鍋底：養生菌菇＋清甜椰香雞
我哋揀咗鴛鴦鍋，一邊係養生野菌鍋，菇菌香氣好濃郁，湯底清甜；另一邊係清甜椰子雞鍋🥥，椰香同雞肉嘅鮮味完美融合。
🥩 肉食控天堂
SRF美國極黑和牛片真係無得輸！😍牛味濃郁。安格斯牛板腱同和牛五花趾都係水準之上，肉質嫩滑得嚟有咬口。特別要讚嘅係巴西牛脷片，爽口彈牙，我哋encore咗三四轉！
🦐 海鮮狂熱
海鮮選擇也很多！👀大頭蝦絕對係亮點，size大隻，蝦頭滿滿蝦膏，肉質鮮甜彈牙。仲有鮮甜海蝦、沙白、象拔蚌片，每款都很新鮮。脆鯇魚片同爽脆墨魚都係必點之選！
🍖 驚喜之選：燒乳鴿
估唔到火鍋放題竟然有燒乳鴿！🌟皮脆肉嫩，肉汁豐富，我哋每人都食咗半隻！
🍨 甜品完美收尾
Häagen-Dazs任食已經夠吸引😋，仲有各式各樣嘅甜品同飲品選擇，自助區擺得整整齊齊，乾淨衛生。
1
整體嚟講，牛站無論係食材質素、種類定係服務都keep到高水準，難怪同朋友都一致認為係值得再encore嘅火鍋放題之選！
