18巷泰國餐廳 (Closed)

本身約了朋友食晏，她喜歡食泰國菜，咁去了世貿中心Soi18攞位，等了很久很久，她才通知有事來不到，雖然極唔開心，咁晏都要照食㗎，所以要啲刺激，叫咗個午市套餐，火辣酒炒河粉，$88包沙律、是日餐湯、小食、甜品及飲品，其實她很喜歡食辣，所以想帶她來試，由於唔係好開心同趕時間，因此叫侍應盡快炒個火辣酒炒河粉加辣，其他都不用給我了，咁又好快出了菜，賣相對辦的，亦聞到刺鼻的辣味，先嚐一口河粉，是寬身河粉，夠薄身算滑溜，炒得均勻，其餘食材如蝦、青口、魷魚都炒得剛剛熟，沒有過火，粟米芯同芥蘭都好甜，夠辣但不算過辣，其實可以再多啲辣來刺激我？另外自己可能思覺失調，仍然期待她會來，不期然用公筷夾落碗仔度食。