老闆娘雲南米線

Open Now

Now Closed

聽過呢間嘢嘅大名好耐，最近試咗，都幾失望。環境。好聽就叫有香港情懷，難聽其實就街市痞街。唔緊要，嘢食好食就搭夠。食物。的確個雞係幾好食。但整體上質素未如網上/ 朋友口中所講咁好味。唔緊要，諗住下次再試下其他湯底同餸。服務。個場八張枱，疫情關係，兩人一枱。每十秒就分別有人巡場，睇有冇碗收，我當你唔夠碗用要睇密啲都算。想埋番條數，要客未食完就埋單，都算。但明明有另一張桔枱可以俾下一位客人坐，點解要個客企係到等我張枱？一定要順序入坐？除咗覺得個客食得慢，想趕你走之外，我諗唔到咩原因要咁做生意。明白疫情關係，做少咗晚市，想做多幾枱生意，但都唔係咁對啲客掛？幾好食，幾出名都好，咁樣做衰自己個招牌，為咩？只此一次，下不為例。