Video
Read full review
2017-04-16
107 views
同朋友去完鴨寮街買野，之後便四處搵食，附近的茶記大都打烊了，見有間小店仍燈火通明，便去看看，貌似食台灣麵的，價錢挺便宜，就進去一試吧。花雕醉香豬雙脆（$19）朋友見花雕兩字就嚷著要叫了，豬雙脆原來指豬耳同豬脷，啖啖的酒香幾入味，不錯的小吃。鴨肉木耳冬蔭功湯米苔目（$38）自己點左呢款，鴨肉同木耳亦下得不少，唔錯咁樣。冬蔭功湯底要了少辣，都頗有辣勁，酸酸的帶椰奶香，仲有濃濃的香茅味勁正。原來軟苔目係咁樣的，好似細細的粉仔，很軟身，連湯一起吃，感覺有點像湯飯，哈。鴨肉無乜調味，食到鴨肉的原味，皮很滑，肉札實，皮下無肥膏，好味喎。豬腩肉豬潤泡菜湯底軟苔目（$38）朋友點了呢碗，全部都係豬。泡菜湯底唔辣呢，而且望落無乜油，感覺不錯喎。腩肉薄切，無預期中肥，沒有過份調味。豬潤爽滑，味道正常非化學感覺，都好味。很不錯的麵食，下次再試試別的湯底先，有好多隻味都想試啊。
花雕醉香豬雙脆（$19）朋友見花雕兩字就嚷著要叫了，豬雙脆原來指豬耳同豬脷，啖啖的酒香幾入味，不錯的小吃。
鴨肉木耳冬蔭功湯米苔目（$38）自己點左呢款，鴨肉同木耳亦下得不少，唔錯咁樣。
冬蔭功湯底要了少辣，都頗有辣勁，酸酸的帶椰奶香，仲有濃濃的香茅味勁正。
原來軟苔目係咁樣的，好似細細的粉仔，很軟身，連湯一起吃，感覺有點像湯飯，哈。
鴨肉無乜調味，食到鴨肉的原味，皮很滑，肉札實，皮下無肥膏，好味喎。
豬腩肉豬潤泡菜湯底軟苔目（$38）朋友點了呢碗，全部都係豬。
泡菜湯底唔辣呢，而且望落無乜油，感覺不錯喎。
腩肉薄切，無預期中肥，沒有過份調味。
豬潤爽滑，味道正常非化學感覺，都好味。很不錯的麵食，下次再試試別的湯底先，有好多隻味都想試啊。
Post
