滾得囍宮廷火鍋小炒 (Renamed) View

北角地鐵站附近的主題火鍋餐廳，中國古代皇室主題，門口就有張龍椅可以打咭。入座後，店員會用即煲嘅熱水，幫你洗餐員，之後送上前菜，有四款。由裝修到餐牌都好有感覺，特別係湯底，由唔同朝代特式人物做湯底個名。由於未試過卜卜蜆，就㨂咗順治特式卜卜蜆鍋。湯底鮮甜，濃味，材料十足，應該最少都有斤半蜆，食到最尾都仲有，加上蘿蔔，好入味，湯底就少少辣，如果唔食得，可叫佢走辣。係時候，叫野食，手打丸和餃子最吸引，係佢地自家製作，貪心嘅我，緊係款款都想食啦，由於2個人關係，避免眼闊肚窄，所以唯有叫一款拼盤，散叫其他。滾得起宮廷拼盤 （五款手打丸）必試！賣相吸引，每款丸味道，口感都好特別。紫皇蟹粉豚肉餃👍🏻好大隻，充滿蟹粉，好鮮味。炸魚皮炸響鈴，店舖推介，即整，好脆口。珊瑚蚌拼桂花珊瑚，新鮮，彈牙。食物質數高，賣相吸引，坐得舒服。仲有驚喜，附送bailey奶凍，好好味。由外至內都用心製作節宮廷火鍋，值得一試。