古今

Open Now

Now Closed

今日朋友仔話想食日本嘢，我平時番工已經好繁忙，忽然下就先話約我食飯，搞到我要啦啦聲諗食乜好，最尾就同佢去左依間卷物店。其實我曾經食過依到既卷物，覺得好食，所以今次先會又黎過。古今冷麵 $138由於都幾肚餓，啦啦聲叫佢上左個冷麵先。麵條似日式既拉麵，不過煮得腍左少少，好彩彈牙度仲保持到。配料有蛋絲，蕃茄，叉燒絲，蟹柳絲，青瓜絲等等，好足料。萢菜辣味雞翼$65原本睇落好似炸到過左火，會好乾好硬，但原來完全冇啲咁既事。雞翼仲好多汁，好腍嫁，萢菜既味都幾辣，送酒幾好。