點知店外冇，店內剛好滿座，等一輪都要廿分鐘
蔦係先點餐，後上座既格局，拉麵選擇並不多，所以先點個醬油味玉拉麵試下。拉麵好食與否，多過50%係因為個湯底。坐喺位置上可以清晰見到師傅點整個拉麵，而一大煲湯底就正正係個靈魂，未上菜已經有濃濃既香味飄過，係有期待既
之後見師傅分工好細緻，一個整麵，一個上湯，一個擺碗上叉燒同蛋，流水線咁整出黎。拉麵上到檯面，第一個感係好細碗
麵好少份量，唔叫多份替玉根本唔夠食，湯頭就不負所望係好清甜既，黑松露我覺得加一點點就好，全部落哂個湯到會變左食西餐，完全掩蓋湯既鮮味:(最後我食完個麵都不斷飲個湯既。叉燒就無話可說的少，而且不特別，薄切無風味，食之無味 棄之可惜，似係蔥蒜一類的佐料，用黎提升味道層次，唔係俾你品嚐。味玉就整得好好，流心又有醬油味，算係為碗拉麵挽回唔少分數。
總括黎講，清新既湯頭係令人眼前一亮，不過整體不是頂級質素，米芝連粒星如果係呢個質素都幾令人失望。
