Video
Read full review
2025-05-23
178 views
宜家香港食店好多時都好早收工，8點已經開始清潔，呢日去灣仔拎返隻啱啱整好嘅表，經過呢間鋪頭，以為隻表又壞咗，8點幾仲有咁多人？門口仲有條人龍？似乎真係好正，即刻排隊入去試吓。如果人龍有機會係曇花一現，咁備貨就係真正可以體驗到鋪頭嘅每日銷售情況。呢個鐘數個架上仲有咁多貨，即係代表佢對佢嘅生意真係好有信心。 🍖我哋一口氣點咗雞鴨鵝，雞鴨其實係同一個煲，兩者都係小小臘鴨感覺，但又唔係完全臘乾晒嘅個種，所以保持柔軟口感之外，又有臘味嘅風味。佢除咗肉之外，煲入邊仲有好多內臟，心肝腎腸，共冶一爐。上面又有豆腐卜，莞茜，兩樣唔止係點綴效果，豆腐卜索曬啲湯汁，芫茜加強整個煲嘅香味同顏色。個湯底系甜甜，好啱女仔，但係佢又好有心咁上埋新鮮辣椒同埋辣醬，令到如果想食辣嘅朋友，可以自己添加，增強風味。 🍖跟住就係食傳統燒鵝，上到台真係流曬口水，隻鵝髀好大隻，d皮充滿油光，燒得好靚，啲肉唔會太多肥膏，又唔會硬掘掘，充實得嚟又嫩滑。配合個白飯，真係天下無敵，啲鵝油滲入個飯度，熱辣辣香噴噴嘅飯，真係將兩者互相輝映。 🍖最後，不得不提嘅係食飯之前個湯，真係超足料，又豬肉又薏米又淮山，飲完真係，好想叫多個。 咁好嘅質素
🍖我哋一口氣點咗雞鴨鵝，雞鴨其實係同一個煲，兩者都係小小臘鴨感覺，但又唔係完全臘乾晒嘅個種，所以保持柔軟口感之外，又有臘味嘅風味。佢除咗肉之外，煲入邊仲有好多內臟，心肝腎腸，共冶一爐。上面又有豆腐卜，莞茜，兩樣唔止係點綴效果，豆腐卜索曬啲湯汁，芫茜加強整個煲嘅香味同顏色。個湯底系甜甜，好啱女仔，但係佢又好有心咁上埋新鮮辣椒同埋辣醬，令到如果想食辣嘅朋友，可以自己添加，增強風味。
🍖跟住就係食傳統燒鵝，上到台真係流曬口水，隻鵝髀好大隻，d皮充滿油光，燒得好靚，啲肉唔會太多肥膏，又唔會硬掘掘，充實得嚟又嫩滑。配合個白飯，真係天下無敵，啲鵝油滲入個飯度，熱辣辣香噴噴嘅飯，真係將兩者互相輝映。
🍖最後，不得不提嘅係食飯之前個湯，真係超足料，又豬肉又薏米又淮山，飲完真係，好想叫多個。
咁好嘅質素，唔怪得門庭若市，呢日點解冇叫叉燒系因為佢已經賣曬，淨系食嘅期間已經聽到七八個人問有冇叉燒，下次一定要返嚟試吓！
Post
