星海．譽宴 (鱷魚恤中心)

Open Now

Now Closed

今日同屋企人慶祝生日，見有團購劵四人套餐$498有鮑魚花膠又有燕窩幾抵食就去試吓。全個套餐包4餸1湯羹1甜品同4罐汽水或啤酒。叉燒皇有驚喜，肉質夠厚夠juicy，肥瘦適中。金湯蟹肉燴燕液清清甜甜幾順口，唔錯蝦球同清蒸沙巴龍躉斑就普通（唔記得影條魚）至於個雞煲，主菜鮑魚同花膠都好稔夠入味，菇仔同薑都好好味，唯獨雞肉較遜色，肉質唔滑鞋口。另叫白飯一碗，埋單加收茶芥加一，每人$160，算係唔錯抵食。侍應都無因為你用團購劵白鴿眼，服務都ok。唯獨當晚有人包半場（有房），但開咪講嘢時個喇叭全場人都聽到，但無職員去理。