U-Banquet The Starview (Crocodile Center)

原本只係想搵個地方坐低吹水，點知變咗一場蟹香燒鵝配紅酒嘅盛宴。地點係觀塘，裝修華麗，仲有舞台同包廂，啱晒公司聚餐、擺酒、家庭聚會。今晚食左：🦀 白胡椒蟹焗飯隻蟹夠鮮，胡椒香滲入蟹肉同飯粒，飯底仲有飯焦，啖啖都係鑊氣。叫左支紅酒🍷，意式浪漫即刻升級🦆 脆皮燒鵝皇皮脆肉厚，鵝味濃郁，唔使點醬都夠味。紅酒果香同鵝油香互相拉扯，唔會搶戲，反而更顯層次🥬 泰式安格斯牛肉生菜包牛肉炒得香，配生菜清爽唔膩，啱晒夏天食，食完燒鵝再嚟一包，口腔即刻reset 😌🐟 杜阮涼瓜炒海斑球又係好啱夏天食，涼瓜唔苦，海斑球炒得夠鑊氣，同時做涼瓜要夠熟但唔爛，熟行啱啱好🍷 Yara Rosso Molise見佢做緊推廣。Molise出世，Montepulciano釀成，色深香濃，酒體均衡，入口夠穩陣。仲要只係$128一支，唔使諗，配胡椒蟹、燒鵝都啱key，拉高整場味覺層次。門口見到中秋早鳥優惠，套餐最多減千蚊，另有仲有中秋盆菜外賣、自取。由味道到場地，難怪連TVB Weekly都推介做星級婚宴場地，唔係講笑。🎉📝星海 (觀塘) LS Club @the.starview 📍觀塘開源道79號鱷魚恤中心2樓 #晚飯 #婚宴 #酒樓 #酒樓擺酒 #中菜 #香港粵菜 #香港聚會 #TVBWeekly星級婚宴場地 #公司聚餐 #婚宴場地 #香港必食 #香港美食 #聚會 #香港必食 #香港美食 #東周刊香港服務大獎之婚宴食府2025 #假期好去處 #中秋節套餐 ＃中秋盆菜…Read More

有次要係觀塘區揾間茶樓同屋企人飲茶，係open rice search 到評語唔錯，交通又方便，食左一次覺得食物中上，坐得舒服，服務ok，印象唔錯，今次兩丁友晚上來試小菜。6點半到入座，客人唔多，基本上任坐，嗌左個孖寶：燒味拼盤+鮑魚雞煲，另外叫左小炒皇。燒味拼盤係例牌，冇得㨂，今次係燒排骨、海蜇同豉油雞，賣相同味道都冇咩特別，相都冇影。鮑魚雞煲就足料啦，4隻細鮑魚，但絕不將貨就會比d迷你飽魚你，味道亦不錯.小炒皇亦好好味，落埋帶子炒，配埋d乾魚仔、蝦乾等香口野，好好味。最後送埋陳皮紅豆沙，係普通料，不過送就冇所謂啦。…Read More

星海今次要介紹一間喺觀塘鱷魚恤中心2樓食中菜酒樓叫「星海」，平時佢哋都會做公司週年聚餐、擺酒婚宴等，前面仲有一個勁靚嘅花花舞台，裝修華麗，樓底又夠高，店員都好有禮貌，問我呢張枱啱唔啱坐，如果唔啱可以幫你轉位，一到中午時段勁爆場，只要啱我坐，坐邊度都無所謂，大家記得大眾點評有優惠券拎，抵上加抵！1.特色子薑炆米鴨$168（9.5/10）呢個子薑炆米鴨完全估唔到鴨肉肉汁咁入味，完全唔鞋唔乾身，鴨件大約都有10舊，每舊鴨件睇顏色以為會好咸，唔知就係好好味，非常正！2.泰式安格斯牛肉生菜包$138（9/10）呢個安格斯牛肉生菜包一共有7件，平時泰式生菜包係一碟牛肉碎，另一碟係生菜，自己要用手包，呢度已經幫你做好哂，不過牛肉碎有少少筋位，如果加少少辣仲更好味！3.原隻鮮蝦腸（午市特點優惠點心）$28.8（10/10）呢個係店員介紹畀我必食嘅點心，佢哋嘅點心全部係自家手工製作，真材實料，每一件蝦腸入面都有一隻好大隻嘅新鮮好爽蝦仁，腸粉外皮超薄，蝦腸係其中一個午市特點優惠點心，真係好抵食！4.瑤柱金菇炆伊麵$108（9.5/10）呢碟瑤柱金菇炆伊麵份量都好大份，伊麵唔會太軟又唔會太乾，炆得啱啱好，入面有瑤柱、金菇、韭黃、甘筍絲等，食之前記得要撈一撈，食到底會有少少咸！5.一壺普洱茶（茶位每位$10）（10/10）一坐低店員就會問我想飲咩茶，我就最鍾意飲普洱茶，呢度普洱茶好甘香，唔會有苦澀味，顏色唔會似墨水色，茶葉都算幾靚！2人總共價錢$509，茶位每位$10，其他有加一服務費！個人口味總評分：9.6/10 @the.starview 地址：觀塘開源道79號鱷魚恤中心2樓Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#星海 #鱷魚恤中心 #觀塘美食 #觀塘好去處 #香港美食 #無障礙餐廳 #公司聚餐 #聚會 #婚宴場地 #東周刊香港服務大獎之婚宴食府2025 #暑假 #假期好去處 #Keeta#hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…Read More

上星期同內地嚟嘅朋友喺觀塘嘅**星海譽宴**擺咗三圍酒，平均$2000幾蚊一圍，性價比相當唔錯！食物水準超出預期，每道菜都夠晒體面，親友們都大讚好味。 最驚喜係**招牌燒乳豬**，皮脆肉嫩，咬落「咔嚓」聲，油脂香而不膩，上枱時仲熱辣辣，絕對係必試之選！**清蒸大海斑**蒸得剛剛好，魚肉鮮甜嫩滑，豉油調味恰到好處，完全冇雪藏味，新鮮度滿分。另外**酥炸脆鮮奶**外皮金黃酥脆，內餡香滑濃郁，甜而不漏，大人細路都搶住食。 其他菜式如**鮑魚翅羹**同**當紅炸子雞**都保持水準，份量足料，服務亦夠細心，換碟同斟茶都好主動。環境寬敞乾淨，枱與枱之間唔會太逼，整體體驗非常滿意！ 如果大家想喺觀塘搵間抵食又有質素嘅酒樓擺酒或聚餐，星海譽宴絕對值得推薦！…Read More

好滿意，啲嘢都好新鮮，好好味呀所有嘢都，近排去好多地方食嘢都好中伏，今日求其入去試吓，估唔到啲嘢好新鮮之餘，味道都唔錯，環境也舒服，啲人態度又好，非常之開心，近排非常滿意嘅一間…Read More