潮庭 (Closed)

係咪我偏心呢？真係好鍾意美心集團旗下嘅食肆。價錢合理，唔好講物超所值，但總之唔會伏。雖然係小食，都要講一講，真係好我正傳統嘅潮州酒家，一般係一碟花生，一碟鹹菜。而佢哋係改良咗，mix左其他食材，我覺得比傳統嘅，更加惹味！椒鹽九肚魚 $78上次食唔到，今次食飯，最鍾意佢起晒骨，阿仔都食到。佢一個人食咗半碟蟲草花炒翡翠苗 $98老公至愛，黎親必點。潮州煎伊面 $128即係糖醋麵，食潮州嘢唔會唔食。不過呢度做得，一般啦芋茸香酥鴨 $128呢個就名實不符喇明明就係芋角。仲有d咸。芋頭南瓜茨實煲 $108黎到見到同相片唔好，有少少失望，好似煮到溶晒咁。點知一食超級好味芋頭同南瓜半溶好鬼綿，咸咸地嘅椰香味。本來我哋三個已經飽左，竟然食晒呢個最後上嘅煲一家三口埋單七百幾，出外食個晚餐，呢個價錢，我覺得叫做有交代。另外順帶一提，有時同一間餐廳，都要睇你識唔識揀分店，星期日嘅夜晚，我哋揀咗商業區嘅金鐘，7:15黎到唔使等位，伙記仲好好招呼