瀛豐放題料理專門店

隔咗一段時間冇食放題，趁放工所以約咗朋友去食下。鍾意食放題既最大原因係可以喺一餐入面滿足哂大家有既要求，因為有齊港、日、泰美食，想食咩都得。我地叫咗好多轉野食，咩都試少少咁。好欣賞佢地既刺身新鮮又肥美，仲有海膽花之戀同手卷，正呀！至於熟食，上碟既時候基本上都係熱辣辣，食得出係即點即整既。餐廳有升級優惠， 加$148可以任食極品海鮮拼盤，包括松葉蟹腳、凍鮑魚、凍青口、凍螺、澳洲海膽帶子刺身等，仲有生啤任飲，下次試試先。