相馬日式火鍋 (Closed)

好耐冇同朋友仔打邊爐😊今日同朋友一時興起就決定打下邊爐仔大開食戒滿足下自己既大食胃～朋友話想試下相馬😋嚟到餐廳環境都算坐得舒服😌光線幾光猛之餘個地下係唔會跣，整體好乾淨🤣🤣🌸雞煲第一個上既就係個雞煲啦～雞煲辣度自己揀，我哋要咗小辣🌶️都已經夠，好入味🔥啲雞肉都好滑夠晒入味同埋最緊要係有得無限加雞。加嘅雞唔會話俾啲諧霎霎嘅肉，肉質都好嫩滑😍🌸花膠雞湯食完雞煲就係時候飲下個花膠雞湯😍好鮮甜唔重味精味，勁有媽媽煲湯嘅味道🤣🤣🌸海鮮蒸鍋好野唔好俾佢停！再上就係個海鮮蒸鍋😆海鮮有蟶子，帆立貝，花甲，沙白，藍青口，虎蝦，鮑魚，同魚😛好豐富啊！豐富之餘，仲要好新鮮💯我個嘴刁嘅朋友平時對海鮮好有要求，佢對呢個蒸鍋嘅評價都好好👍🌸 任食火鍋食到呢度已經飽飽地，但火鍋🍲都係要食！美國進口牛肉，豚肉，雞髀肉都係任食，仲有好多串燒炸物，唔同款式都有！超級推佢嘅單骨雞翼，有勁多唔同口味，炸得外脆入面嫩滑😍💯仲有無限雪糕野飲～正啊📝整體評分美味指數：🌸🌸🌸🌸🌸賣相指數：🌸🌸🌸🌸🌸抵食指數：🌸🌸🌸🌸🌸環境指數：🌸🌸🌸🌸🌸5🌸為滿分📍 相馬日式火鍋地址: 西環西營盤德輔道西321號瑧璈1樓2B號舖