密甘 (Closed)

行開大圍見到有新餐廳，就想試下啦。點知道完全中伏，入面通風又唔好，店員直接打開舖頭門口，都唔知入面有沒開通風。價錢又唔平，食碗牛肉麵要成六七十蚊，本來以為湯底真係牛肉熬出黎，又話標榜湯底煮好耐，話到煮得好好食，點知仲差過車仔面，雲吞面湯底。牛肉麵好普通，得白蘿蔔同少少牛肉，唔係好淋，好入味。牛肉飯上檯面已經凍曬，完全沒食慾。去落單要好似foodcourt形式，行出去買，自己再去取。個店員態度好差，完全沒理我企收銀機前面，要我等佢搞點曬外賣訂單先再落我張單，起碼等成5分鐘。落單之後又沒收據，食飯張檯面又油，好似完全沒人清潔。食完又要自己將個盤收埋去回收區。六七十蚊嘅價錢，大圍大把好食過佢嘅餐廳，一定唔會再幫親。