幸福班戟 (K11 Musea) (Closed)

《幸福班戟 - 尖沙咀》都過咗兩個幾月，我對梳乎厘pancake嘅熱愛都仲未減退😂希望喺我熱情退卻之前我已經試晒所有嘅梳乎厘pancake啦🤪今次呢一間餐廳其實我去東京旅行既時候已經試過😅當時其實都未係太識欣賞呢種空氣感🥹而且價錢唔平，所以未算話好滿足🥸但係口味嘅嘢話變就變，近排真係好熱衷食一啲軟綿綿嘅嘢，所以今次特登收咗工過去尖沙咀K11 Musea 食呢個pancake 😍今次例牌簡左有抹茶既口味💁🏻‍♀️宇治抹茶濃厚慕絲班戟$112 💚坐低咗5分鐘左右就有pancake送到，唔知係咪整定左呢🤔通常都要半個鐘左右先有得食，不過上到枱pancake仲有微溫，一客有三件，而上面既抹茶mousse都好香濃，中間白色既係忌廉仲有少量合桃碎，佢仲提供埋一支應該係糖漿嘅物體比你自行解決落唔落，但我就覺得唔落其實都夠曬味啦😋總括黎講係好味同埋滿足既😂不過都係果句，如果你唔係太鍾意空氣感嘅話其實未必會鍾意呢個質感嘅pancake😆