茶墨 (Closed)

同朋友食完午餐都唔滿足 行出門口見到呢間台式飲品咁靚環境 佢位置唔多所以揀外賣但咁岩有位所以同朋友決定坐低飲埋杯野傾多陣偈點咗杯麻糬芝麻烏龍鮮奶茶同埋麻糬芋泥茉莉鮮奶綠最後傾到尾竟然仲有胃口就叫件蛋糕兩個人分飲品拎到上嚟真係同圖一樣咁靚 好符合店舖個名 飲起上嚟亦都非常之好味 芝麻味非常之濃郁 感覺好健康 亦有淡淡茶味 芝麻控必選 而佢嘅麻糬亦都好好味 比起黑色珍珠感覺無咁膠 朋友杯芋泥茉莉鮮奶綠佢都盛讚好靚同好飲 但佢話都有d飽 最後食個件蛋糕 係軟芝士配有紅莓 酸酸甜甜好滋味