極尚大喜屋 (銅鑼灣廣場一期)

Open Now

Now Closed

係香港食日式放題一定去過大喜屋. 大喜屋絕對稱得上係香港日式放題潮流既引領者. 大喜屋高cp,價錢相對其他日式放題平. 刺身,壽司,一品料理,串燒等等,多野食之外味道亦唔差. 而位於銅鑼灣既極尚大喜屋更加係大喜屋系列既高級版. 野食相對選擇多,而且仲有清酒,梅酒,啤酒等可以飲. 絕對係高cp既選擇!刺身 - 嚟得極尚大喜屋一定唔少得.刺身有多款選擇包括三文魚,帶子,油甘魚, 北極貝,赤蝦同甜蝦等等. 點幾多真係會上幾多刺身,刺身質量都算幾新鮮.雖然係放題任食但都要記得食幾多攞幾多,切忌做大簁鬼!壽司手卷 - 極尚大喜屋都有唔少壽司選擇: 三文魚腩,鰻魚,芝士軟殼,腐皮軍艦等.其中我覺得最好食係火炙左口魚, 左口魚油脂香口值得食多幾件! 熟食 - 各款一品料理包括:天婦羅,花雕醉鮑魚,一口牛柳粒,同孜然羊排等等. 次次嚟一定要食孜然羊排,鮮嫩得嚟分量又啱啱好唔會太大件. 另外花雕醉鮑魚都係一款唔錯既小食.甜品: 極尚大喜屋除咗有各款雪條甜筒可以任食～以咁平既價錢食到咁多野絕對物有所值!️