Read full review
2018-02-13
611 views
呢排食得太多好嘢洗大左，就想揾翻啲平民啲嘅餐廳幫荷包慳下錢。見車仔麵平平地，而且不嬲對車仔麵有童年情意結，見到舖頭個門面的的骰骰，幾有特色，就決定入去試下呢間。裏面嘅裝修都真係幾懷舊，最鍾意呢種老香港的感覺入到去坐好就諗住叫阿姐嚟點嘢食啦，點知原來係用點餐紙嘅，一睇就知我哋唔係熟客喇叫三個餸就最抵食：芥蘭，瑞士雞翼，咖喱豬皮蘿蔔(辣)，配油麵 - 熱菜蜜（$37）食飯時間等左5分鐘就有得食，非常快手。份量啱啱好，油麵加$1加埋杯熱菜蜜都係$37。瑞士雞翼唔算入味，(林)就幾(林)，但係咁嘅價錢都唔好要求咁多啦。蘿蔔都有啲水準。豬皮就冇咁入味啦。路環香腐角，咖喱豬皮蘿蔔(辣)，沙茶醬魷魚配米線 - 鹹檸七 ($36)叫鹹檸七仲抵飲，淨係罐7up都抵翻啦。中環黎講有麵食，有三個餸仲有嘢飲，都真心沒幾間。食物方面，個人認為湯底唔係特別鮮味，普普通通。值得一提嘅係，我同我朋友都係食開小辣，但係呢度嘅小辣同平時食開嘅相比有少少重咗未。有興趣食辣嘅，又唔係太食得辣嘅朋友可以試吓溝少少辣椒醬試試味先。服務方面，佢哋唔係好假果隻有禮貌。講嘢麻麻甩甩但係其實幾有人情味，手快腳就會收晒用過嘅紙巾，會幫你擺
裏面嘅裝修都真係幾懷舊，最鍾意呢種老香港的感覺
入到去坐好就諗住叫阿姐嚟點嘢食啦，點知原來係用點餐紙嘅，一睇就知我哋唔係熟客喇
叫三個餸就最抵食：芥蘭，瑞士雞翼，咖喱豬皮蘿蔔(辣)，配油麵 - 熱菜蜜（$37）
食飯時間等左5分鐘就有得食，非常快手。份量啱啱好，油麵加$1加埋杯熱菜蜜都係$37。瑞士雞翼唔算入味，(林)就幾(林)，但係咁嘅價錢都唔好要求咁多啦。蘿蔔都有啲水準。豬皮就冇咁入味啦。
路環香腐角，咖喱豬皮蘿蔔(辣)，沙茶醬魷魚配米線 - 鹹檸七 ($36)
叫鹹檸七仲抵飲，淨係罐7up都抵翻啦。
中環黎講有麵食，有三個餸仲有嘢飲，都真心沒幾間。
食物方面，個人認為湯底唔係特別鮮味，普普通通。值得一提嘅係，我同我朋友都係食開小辣，但係呢度嘅小辣同平時食開嘅相比有少少重咗未。有興趣食辣嘅，又唔係太食得辣嘅朋友可以試吓溝少少辣椒醬試試味先。
服務方面，佢哋唔係好假果隻有禮貌。講嘢麻麻甩甩但係其實幾有人情味，手快腳就會收晒用過嘅紙巾，會幫你擺下袋，同你講吓笑。”你食得咁快咪又係要等埋女朋友“ （我笑左）人情味呢啲真係買少見少，老點小店多多支持啦。
Post
