Video
Read full review
2022-06-19
117 views
自從北角匯開咗之後，留意到好多食肆進駐，其中呢間小巷弄一直想試好耐，終於有機會趁放工一個人try try！嗰日好大雨，入到去侍應好好心叫我放把遮喺雨架，留意到大部份侍應都係台灣口音，感覺去咗台灣咁。而且每張枱都有消毒搓手液，加分😆我一個人叫咗三樣嘢食，分別係起司蛋手抓捲餅（$41）、宜蘭迷你蔥肉餡餅（$30）、貢丸湯（$34）。貢丸湯最快上碟，總共有四粒大大嘅貢丸，味道清清甜甜，應該加咗白蘿蔔，10分開胃😁之後肉餡餅上碟我有啲嚇親，因為個size一啲都唔「迷你」，表皮得好趣，每個都足料，一咬落去肉汁爆曬出嚟，我食完第二個已經有少少飽😂😂最後係手抓捲餅，店家預先切開咗四嚿，方便食用。最欣賞佢裏面有好多蔬菜，感覺唔會太滯好健康，芝士都有啲拉絲，水準之上。總結嚟講，呢間台灣菜性價比超高，女仔一個人去叫一個小食加碗湯已經飽，我下次再經過會試埋台式飲品😁
嗰日好大雨，入到去侍應好好心叫我放把遮喺雨架，留意到大部份侍應都係台灣口音，感覺去咗台灣咁。而且每張枱都有消毒搓手液，加分😆
我一個人叫咗三樣嘢食，分別係起司蛋手抓捲餅（$41）、宜蘭迷你蔥肉餡餅（$30）、貢丸湯（$34）。
貢丸湯最快上碟，總共有四粒大大嘅貢丸，味道清清甜甜，應該加咗白蘿蔔，10分開胃😁
之後肉餡餅上碟我有啲嚇親，因為個size一啲都唔「迷你」，表皮得好趣，每個都足料，一咬落去肉汁爆曬出嚟，我食完第二個已經有少少飽😂😂
最後係手抓捲餅，店家預先切開咗四嚿，方便食用。最欣賞佢裏面有好多蔬菜，感覺唔會太滯好健康，芝士都有啲拉絲，水準之上。
總結嚟講，呢間台灣菜性價比超高，女仔一個人去叫一個小食加碗湯已經飽，我下次再經過會試埋台式飲品😁
Post
