青咖喱屋 (Under Renovation)

今晚又出咗去食飯啊，選址係黃竹坑嘅熟食市場二樓的一間食泰國菜嘅鋪頭。平時我對泰國菜都係麻麻哋，因為唔多喜歡食辣，但係食過呢間之後，都覺得可以接受。熟食中心的環境當然係麻麻哋，但係勝在夠經濟實惠。蒜蓉包（$28）新鮮焗起，外脆內軟，又夠大塊，好多蒜蓉，香噴噴，脆卜卜。黃咖喱牛腩（$68）+ 白飯（$12）冇青咖喱咁辣，可以接受。牛腩好鬆軟，又夠淋，咖喱汁送飯一流。蒜蓉炒雜菜（$58）有芥蘭、椰菜、西蘭花、紅蘿蔔和秀珍菇。夠鑊氣，蔬菜炒得脆口，唔會太淋，夠蒜蓉味。椰汁芒果糯米飯（$48）糯米暧䐘哋，又煙煙靱靭，加埋香甜芒果肉和椰汁一齊食，非常唔錯，但食完之後，好飽！好飽！最近呢兩個月都嚟咗好幾次，因為覺得又好食又抵食，但最唔好的就是每次都要等得比較耐先至有得食，出菜較慢！