Video
Read full review
2018-04-19
1549 views
其實以前黎開油塘的蜀府川幫襯主要都係打邊爐多, 但今次特登黎係要試下他地嘅四川菜. 希望有不一樣的驚喜啦! 先黎兩碟前菜食下先: 泡椒尖筍 + 尖椒重慶皮蛋 泡椒尖筍的 小竹笋好嫩, 口感爽脆, 味道又辣又刺激; 尖椒重慶皮蛋 香辣味十足，金黃色的皮蛋同我地平時食的一般皮蛋有啲唔同, 味道冇咁濃, 口感亦較Q彈有點咬口, 而中間的蛋黃呈流心狀態. 配上惹味的麻辣汁, 好好味~ 口水雞 (半隻) 冰冰涼涼的口感, 雞肉好厚肉, 肉質幾嫩滑, 而雞皮好爽口冇肥膩感. 配上麻辣的醬汁, 非常惹味, 令人停不了口~ 蒜蓉燒元貝 厚厚的蒜蓉燒得焦香惹味, 而藏在底下的大粒新鮮元貝, 依然保持充足水份唔會話燒到乾哂, 口感彈牙味道鮮甜~ 火鍋酸菜桂花魚 大大煲份量非常多, 鍋內的酸菜越煮越酸越出味, 令人流口水. 一片片的桂花魚肉肉色雪白新鮮, 口感嫩滑鮮味. 而除左必有的酸菜和魚之外, 原來底層係鋪满粗身的紅薯粉, 口感Q彈彈牙, 吸哂湯底的酸味湯底. 水煮牛肉 水煮湯底用左大量的花椒和乾辣椒煮出麻和辣的風味, 由於叫左小辣, 所以湯底不太辣容易入口. 而牛肉的口感滑嫩適中
先黎兩碟前菜食下先: 泡椒尖筍 + 尖椒重慶皮蛋
泡椒尖筍的 小竹笋好嫩, 口感爽脆, 味道又辣又刺激;
尖椒重慶皮蛋 香辣味十足，金黃色的皮蛋同我地平時食的一般皮蛋有啲唔同, 味道冇咁濃, 口感亦較Q彈有點咬口, 而中間的蛋黃呈流心狀態. 配上惹味的麻辣汁, 好好味~
口水雞 (半隻)冰冰涼涼的口感, 雞肉好厚肉, 肉質幾嫩滑, 而雞皮好爽口冇肥膩感. 配上麻辣的醬汁, 非常惹味, 令人停不了口~
蒜蓉燒元貝厚厚的蒜蓉燒得焦香惹味, 而藏在底下的大粒新鮮元貝, 依然保持充足水份唔會話燒到乾哂, 口感彈牙味道鮮甜~
火鍋酸菜桂花魚大大煲份量非常多, 鍋內的酸菜越煮越酸越出味, 令人流口水. 一片片的桂花魚肉肉色雪白新鮮, 口感嫩滑鮮味. 而除左必有的酸菜和魚之外, 原來底層係鋪满粗身的紅薯粉, 口感Q彈彈牙, 吸哂湯底的酸味湯底.
水煮牛肉水煮湯底用左大量的花椒和乾辣椒煮出麻和辣的風味, 由於叫左小辣, 所以湯底不太辣容易入口. 而牛肉的口感滑嫩適中, 淡淡的麻辣味. 底層同樣鋪满粗身的紅薯粉, 口感Q彈彈牙, 吸哂麻辣味湯底的紅薯粉 感覺似食緊酸辣粉, 幾惹味.
大蜆龍蝦粥 + 海膽個粥底直接加左 新鮮大蜆 和 龍蝦, 粥底味道好鮮甜. 大蜆粒粒都好大隻, 肉厚味鮮, 龍蝦都一樣好新鮮, 多肉又有膏, 口感彈牙爽口. 另外我地仲另外加錢要多左一板海膽, 加左海膽的粥底, 味道即時更為鮮甜, 超好味! 粥底除左咁食外, 用黎打邊爐應該 仲正, 下次我地一定要再試下~!
綠茶芋泥餅芋泥餅薄薄地, 外層帶點微脆, 白芝麻很香口. 而裡面的芋頭蓉口感好細滑, 淡淡的芋頭香又唔會太甜, 幾好味~
Post
