Video
Read full review
2018-07-31
781 views
同朋友傾開呢排有咩新野食想試，從來唔講粗口既佢突然無啦啦爆粗...哦，原來係講緊前排好紅個間大排檔楚撚記，一於去試試佢！七點幾黎到門口，係小巷入面霸氣十足既招牌下面，已經好多人等緊位。我地本身都好餓，係出面隔住窗口見到Ｄ佳餚同傳出黎既香味，經已令人垂涎三尺。頂唔住，唯有望下週圍分散下精神啦！舖頭分左兩邊，出菜既係左面店面，傳菜要行出街經過小巷，好有懷舊風味。不過Ｄ餸每次出門都一定冚好蓋，算佢夠衛生啦！等左半個鐘，終於輪到我地啦！果然個餐牌都好有霸氣，好多個「＿」字，似乎又帶動到氣氛，加埋懷舊平民既裝修，平時斯斯文文既我地就好似身處係舊式大排檔咁冇哂顧忌，慢慢放膽大聲講野，差Ｄ想除埋對鞋。點餐後經過短暫既等待後，第一道菜終於黎到！碟餸一上枱，我就知道我地今次既期望同等待係值得既！金沙蛋黃九肚魚外觀名乎其實，金黃脆皮伴上一層濃厚既蛋黃，熱辣辣上枱仲出緊白煙。廚師仲好貼心咁溫馨提示：「請上枱即食」。事不宜遲，即刻叫兩碗「靚仔」黎開餐啦！九肚魚咬落去炸皮鬆化但又唔散，入口咸蛋黃香同炸皮香一齊進攻，包住香滑鮮嫩既魚肉，超級好味！跟住就到鮮人蔘濃湯娃娃菜。湯菜第一件事緊係試個湯頭啦！湯既人蔘味非常
七點幾黎到門口，係小巷入面霸氣十足既招牌下面，已經好多人等緊位。
我地本身都好餓，係出面隔住窗口見到Ｄ佳餚同傳出黎既香味，經已令人垂涎三尺。頂唔住，唯有望下週圍分散下精神啦！舖頭分左兩邊，出菜既係左面店面，傳菜要行出街經過小巷，好有懷舊風味。不過Ｄ餸每次出門都一定冚好蓋，算佢夠衛生啦！
等左半個鐘，終於輪到我地啦！果然個餐牌都好有霸氣，好多個「＿」字，似乎又帶動到氣氛，加埋懷舊平民既裝修，平時斯斯文文既我地就好似身處係舊式大排檔咁冇哂顧忌，慢慢放膽大聲講野，差Ｄ想除埋對鞋。
點餐後經過短暫既等待後，第一道菜終於黎到！碟餸一上枱，我就知道我地今次既期望同等待係值得既！金沙蛋黃九肚魚
外觀名乎其實，金黃脆皮伴上一層濃厚既蛋黃，熱辣辣上枱仲出緊白煙。
廚師仲好貼心咁溫馨提示：「請上枱即食」。事不宜遲，即刻叫兩碗「靚仔」黎開餐啦！
九肚魚咬落去炸皮鬆化但又唔散，入口咸蛋黃香同炸皮香一齊進攻，包住香滑鮮嫩既魚肉，超級好味！
跟住就到鮮人蔘濃湯娃娃菜。湯菜第一件事緊係試個湯頭啦！湯既人蔘味非常濃，少少咸但飲得出冇味精，菜既鮮甜味又中和番個味道，成個配搭好夾！
試啖娃娃菜，基本上入哂濃湯既味，菜有保留爽口口感，熟度岩岩好，唔會有渣或者特別難嚼既地方，正啊！
下一個挑戰者係煎黑松露蓮藕墨魚餅。身為黑松露控既我係餐牌上面見到呢三個字就忍唔住叫左，而佢都冇令我失望。金黃色既表皮十分香口，咬落去墨魚餅多汁彈牙，口感有Ｄ似牛丸咁，黑松露味濃郁，但又唔會搶左墨魚既味道。
一路嚼一路會有Ｄ爽口既蓮藕粒粒，效果就好似牛肉球入面既馬蒂粒咁，令口感更豐富。
最尾仲有個名好長既「七味黃金炸一口金磚豆腐」，簡單黎講即係我地平時食開既椒鹽豆腐。
外觀整得十分出色，味道都係相當標準既高水平椒鹽豆腐，咬開炸皮個下會有「卡嗞」聲，調味拿捏恰到好處，點喼汁食又係一對絕配。另外不得不讚既係，豆腐炸皮做得好好，平時食開既炸豆腐都會「皮肉分離」，但呢度既豆腐做得好緊密，中間唔會夾多左層空氣。
我同朋友今晚食得開心，傾得盡興。我拎起烏龍茶，同佢既Somersby乾杯，暢飲一大口，為呢段歡樂時光劃上完美句號。
雖然土瓜灣有Ｄ遠，但入黎去楚撚記食野，值得！
Post
