Video
Read full review
2016-04-26
1101 views
一個星期忙足六日，終於等到星期日，可以放假抖吓。喺 IG 見到 Espuma 又推出咗好多新菜式，梗係想去食吓啦，即刻約咗兩個朋友，一齊去中環嗰間，食番個 Lunch，跟住順便再去 shopping。下晝一點幾，過咗食飯時間，唔算好多人，好開心，有個好正嘅 window seat 等緊我哋，望住又靚又開揚嘅 view 食飯，胃口自然會好D啦！先叫咗個花茶飲住先，我哋三個人，分別叫咗，山楂士多啤梨茶、生薑蜜糖柚子茶，同埋蜜糖蘋果茶，大家可以 share 試晒三款唔同口味，花茶好快已經送到，用個熱爐 keep 住熱，等佢唔洗飲飲吓凍晒，味道失晒真，加埋個細細個嘅茶杯，確保你每啖飲入口嘅茶，都係暖笠笠嘅，而且，D花茶用個透明玻璃壺熱住，個樣零舍靚過人㗎。先飲杯士多啤梨山楂茶先，除咗有好香嘅士多啤梨味之外，仲有酸酸哋嘅山楂，感覺幾開胃。再試蜜糖生薑柚子茶，有好多生薑，同埋好大嚿嘅粉紅西柚，心諗可能會又酸又辣，飮落口原來甜甜地，感覺清新又暖胃。再試埋蜜糖蘋果花茶，茶色好清，入口又甜又香，感覺好滋潤。再叫咗個雜菌湯，有一塊好脆口嘅多士伴碟，將D忌廉攪勻之後，個湯質地好 creamy，仲有好多好新鮮
下晝一點幾，過咗食飯時間，唔算好多人，好開心，有個好正嘅 window seat 等緊我哋，望住又靚又開揚嘅 view 食飯，胃口自然會好D啦！
先叫咗個花茶飲住先，我哋三個人，分別叫咗，山楂士多啤梨茶、生薑蜜糖柚子茶，同埋蜜糖蘋果茶，大家可以 share 試晒三款唔同口味，花茶好快已經送到，用個熱爐 keep 住熱，等佢唔洗飲飲吓凍晒，味道失晒真，加埋個細細個嘅茶杯，確保你每啖飲入口嘅茶，都係暖笠笠嘅，而且，D花茶用個透明玻璃壺熱住，個樣零舍靚過人㗎。先飲杯士多啤梨山楂茶先，除咗有好香嘅士多啤梨味之外，仲有酸酸哋嘅山楂，感覺幾開胃。再試蜜糖生薑柚子茶，有好多生薑，同埋好大嚿嘅粉紅西柚，心諗可能會又酸又辣，飮落口原來甜甜地，感覺清新又暖胃。再試埋蜜糖蘋果花茶，茶色好清，入口又甜又香，感覺好滋潤。
再叫咗個雜菌湯，有一塊好脆口嘅多士伴碟，將D忌廉攪勻之後，個湯質地好 creamy，仲有好多好新鮮嘅雜菌喺裡面，又香又濃，又夠晒熱，真材實料，的確唔錯。
黑白芝麻吞拿魚卷，黑白芝麻包住半熟嘅吞拿魚，入口除咗有芝麻香外，吞拿魚都好有鮮味，原來佢哋嘅味道都好夾，好香口，伴碟嘅沙律菜都好爽脆。
韓式泡菜肥牛炒飯，用鑊仔裝住上枱，熱辣辣，肥牛都幾鮮嫩，不過就比較少咗D，炒飯都炒得好乾身，粒粒分明，辣辣地，好開胃，不過泡菜味好似淡咗D，嫌佢唔係好夠辣，如果可以濃返少少，會仲好味。
我最鍾意食牛扒，一心一意諗住離食佢哋呢個新菜式，煙薰烤安格斯肉眼牛扒。店員上菜嘅時候，好似送禮物比我哋咁，驚喜十足，因為牛扒係用個木盒裝住，好特式，仲要冚埋蓋，密封晒，之後店員就同你拉開個木蓋，一打開蓋，一陣好醒神嘅迷迭香味即時傳出，跟住就係濃烈嘅肉香，因為有個木盒焗住，所以D香氣仲更加濃郁，牛扒上面仲有香草同埋一大嚿牛油，等你食之前，先至搽勻，D牛油慢慢咁溶喺件牛扒裡面， 忍不住要即刻切離食，我哋叫咗七成熟，火喉啱啱好，肉質好軟嫩，肉味又濃又多汁，牛油同牛扒超級夾，絕對可以提升牛扒嘅香味。經理話師傅係先將牛扒輕輕煎一煎，等佢可以鎖住D肉汁，然後先再煙薰，所以件牛扒特別 juicy，唔會乾。話咁快，件牛扒就比我哋食晒，連D配菜都食清光，因為佢真係好好食。
又係一個好開心嘅星期日，可以同朋友傾吓計，一齊食咗餐咁好味嘅午餐，其實，我咃真係好鍾意呢度，除咗食物好味之外，最鍾意佢坐得舒服，空間又開揚，所以，好多時我都會心思思想離食番餐。
Post
