Video
Read full review
2022-10-16
31 views
Lunch 走去食壽司，個人覺得性價比相對高d，一黎價錢平d，二黎就算分量相對少dd，但lunch唔洗食太飽都得。今次去嘅係sushi N，睇睇呢間新開嘅壽司店係咩質素，揀咗個中級嘅餐（15貫+手卷），如果鍾意淨係食壽司，我覺得呢個餐幾好，因為價錢唔係最貴，但又食到最多壽司個餐係跟一枝sake，佢地會幫你用個冰壺裝住，一直保持冷凍👍前菜沙律茶碗蒸係唔少得嘅師傅氣定神閒表演，呢d就係之後會食嘅魚類先黎間白魚打開序幕，配以紫蘇花，唔用豉油，改用鹽巴調味，口味清新深海池魚就用黑松露酸汁調味，上面嘅係無花果，感覺就係酸甜開胃師傅調味都幾多變化，唔係一味用豉油芥末，今次嘅赤貝就用檸檬汁調味，赤貝爽口彈牙之後嘅梅色係我第一次食，師傅用燒嘅方式釋放魚油香味，口感方面：皮好脆身彈牙之後嘅左口魚魚邊都可以口味加濃，燒過嘅左口魚油亮亮，上面用燒洋蔥調味，咬開脆身嘅紫菜之後，d魚油爆出，好香口之後嘅帶子就用柚子皮調味，我好鍾意柚子皮嗰種果香之後嘅花竹蝦就一人半隻，師傅話如果晚餐嘅話，就一人一隻大大隻會仲加爽之後嘅葉血引都係第一次試，連個名點寫都係要師傅話我聽先知😂睇落幾似吞那魚，食落口感似青魚，師傅今次加胡
個餐係跟一枝sake，佢地會幫你用個冰壺裝住，一直保持冷凍👍
前菜沙律茶碗蒸係唔少得嘅
師傅氣定神閒表演，呢d就係之後會食嘅魚類
先黎間白魚打開序幕，配以紫蘇花，唔用豉油，改用鹽巴調味，口味清新
深海池魚就用黑松露酸汁調味，上面嘅係無花果，感覺就係酸甜開胃
師傅調味都幾多變化，唔係一味用豉油芥末，今次嘅赤貝就用檸檬汁調味，赤貝爽口彈牙
之後嘅梅色係我第一次食，師傅用燒嘅方式釋放魚油香味，口感方面：皮好脆身彈牙
之後嘅左口魚魚邊都可以口味加濃，燒過嘅左口魚油亮亮，上面用燒洋蔥調味，咬開脆身嘅紫菜之後，d魚油爆出，好香口
之後嘅帶子就用柚子皮調味，我好鍾意柚子皮嗰種果香
之後嘅花竹蝦就一人半隻，師傅話如果晚餐嘅話，就一人一隻大大隻會仲加爽
之後嘅葉血引都係第一次試，連個名點寫都係要師傅話我聽先知😂睇落幾似吞那魚，食落口感似青魚，師傅今次加胡椒調味，為味蕾帶黎刺激
之後嘅竟然係九肚魚，真係好少見壽司餐廳有呢款，大排檔就食得多，估唔到可以用黎做壽司，燒完之後，油脂非常豐富，友人非常喜歡
呢款池魚口味幾濃郁，配以蘋果姜蓉平衡味道
油甘魚正常發揮啦，上面嘅係炸京蔥，師傅八厭突然要我地估上面嘅係咩黎，估咗好多次都估唔到原黎炸京蔥係咁嘅
燒伊佐木則配以紫蘿蔔，皮脆油脂香
三文魚子軍艦一咬就鹹鮮十足
smoke過拖羅真係冇得輸，重口味嘅我最鍾意，本身拖羅已經好重魚味，加埋煙熏嘅獨特香味，食完真係香味真係可以久久不散
海膽手卷一定正啦，非常creamy，完全冇苦澀
原黎最後仲可以encore多一款魚類，我二話不說揀煙熏拖羅，今次師傅用手卷形式包住，嗰舊拖羅仲要係啱啱煙熏好即刻攞出黎，所以味道再濃d。真係唔係誇張，我食完之後1個鐘，都隱約感受到口中嘅餘香👍
甜品依然唔少得，食完真係非常滿足非常飽
成個用餐體驗非常滿足，服務好好，斟茶添酒非常迅速。師傅一開始有d靦腆，估唔到之後越黎越吹得，一路都傾咗好多得意野，尤其是呢個餐仲跟支酒，飲完之後情緒更高漲，成件事好開心👍
Post
