Go Inside Kitchen (Closed)

星期一放工同屋企人出街食晚飯，去咗觀塘時運工業大廈嘅Go Inside Kitchen 食西餐。地點唔算極貼近地鐵站，不過行幾步路就到，而樓下亦有好多巴士站，都算幾方便。室內環境優雅, 感覺舒適。晚餐有set dinner 亦有散叫，任君選擇。今晚大家決定散叫，先嚟一個頭盤焗芝士肉醬香脆薯條 ($68)。芝士肉醬滿滿嘅舖在薯條上面，雖然犧牲咗薯條嘅香脆，但肉醬同芝士嘅香絕對無可抗拒。墨魚汁鮮蝦意大利飯($148) 係要同熟人先可以食，畢竟會食到雙唇污捽捽，唔係人人接受到。意大利飯配洋蔥令口感爽一些，整個味道亦調得夠香。鮮蝦亦係爽口。最後點個甜品作結，揀取藍莓芝士餅($38) 。初初以為是一整件三角型的批狀，誰知原來是很的骰三個立方，造型係可愛路線。味道不過不失，唔會好重芝士味，適合想食芝士蛋糕但又好怕奶騷味的食客。每台都有清水一支任飲，亦都係咁，所以無額外叫飲品。