滿屋日本料理 (Closed)

而家周街都放題，行過銅鑼灣依間廣場，見成座都係放題咁滯，上次食左大瀛喜ok，今次就試滿屋。講裝修，間間差唔多，佢都有個buffet位，但野食唔算多，唔特別介紹。Menu幾平均，刺身壽司甜品熟食乜都有d。刺身佢個大蝦幾正，夠大隻啖啖肉，彈牙，推。依個係海膽系列壽司，海膽唔算話好鮮，但叫做多組合，有蝦、鵝肝個d. 炸物方面，榴連炸彈好鮮，好香好大陣榴連味，如果身邊有人唔食榴連就正。最後甜品有芒果腸粉，雪糕有季節限定，咁岩紅豆麻糬超正。總括算係中上放題，唔算公廁水準，推！