樂意點心

Open Now

Now Closed

因為咁岩出開去尖沙咀整野就搵下附近有咩食，但係平時食大型連鎖食到有啲厭就搵下啲新野食，見到呢間門店都幾光鮮，就入去試一試。 我地首先叫左一個絕配套餐，入面有包： 🟥 籠仔豉汁帶子飯好大籠飯，而且佢粒粒帶子都好大粒，絕對唔手軟，而且帶子都夠彈牙同新鮮。 🟧燉湯入面係雞腳燉花膠，足料既老火湯，而且花膠亦好入味，有滿滿既骨膠原，好飲。我地仲叫左： 🟨荷葉陳皮粉絲蒸鮑魚鮑魚好新鮮，而且有4隻大大隻既，好豐富，粉絲都夠晒份量，我同同伴都忍唔住清晒成碟粉絲，因為好開胃，正。 🟩 帶子菜苗餃 同上面個帶子飯一樣，都係好新鮮，睇相都見到無縮水，兩隻加埋都幾好食。🟪棗皇糕 最後用呢個甜品作結，一咬落去有好濃既紅棗香味🤤🤤整體感覺都算幾高質，環境都乾淨企理，唔錯。