Video
Read full review
2025-06-19
2132 views
好多年冇去過，記得以前係好難食，所以一直都冇去。朋友生日揀咗呢間餐廳，所以就俾多次機會佢。一去到同佢講OpenRice訂左位，個侍應都係冇反應，之後叫我朋友行去Walk in嗰度排隊，咁都由佢啦，因為見都冇人，好快佢帶入座，然後話用餐時間90分鐘。坐低咗之後就嗌嘢食，成間餐廳全部侍應態度都非常之差，同佢哋講嘢係唔會有任何答覆就會行開咗。嘢食質素好差，我叫咗個行政午餐，個雞胸沙律個雞胸係咸到不得了。我哋食咗成70分鐘都未上主菜，之後我就問你哋限時90分鐘究竟我點樣食得晒？之後個侍應又係唔覆機就行開咗，完全唔知道佢哋係聽到定聽唔到，之後原來係聽到嘅，行返返嚟話就到㗎啦。啲嘢食質素我就唔講啦，不過總之就唔值三百幾蚊。今次主要係講啲態度，我訂位嘅時候都講到明係要甜品寫住Happy birthday，佢最後又係勁慢速上甜品，全部菜都係一放低就走，甜品仲要冇寫到Happy birthday。之後我就同個侍應講，佢又係冇俾反應就行開咗，等咗大概15分鐘之後就有人拎返Happy birthday個甜品過嚟，就咁一野勁大力放低，完全係冇講，Happy birthday又唔會問我哋需唔需要影相，黐線真係好
朋友生日揀咗呢間餐廳，所以就俾多次機會佢。
一去到同佢講OpenRice訂左位，個侍應都係冇反應，之後叫我朋友行去Walk in嗰度排隊，咁都由佢啦，因為見都冇人，好快佢帶入座，然後話用餐時間90分鐘。
坐低咗之後就嗌嘢食，成間餐廳全部侍應態度都非常之差，同佢哋講嘢係唔會有任何答覆就會行開咗。嘢食質素好差，我叫咗個行政午餐，個雞胸沙律個雞胸係咸到不得了。
我哋食咗成70分鐘都未上主菜，之後我就問你哋限時90分鐘究竟我點樣食得晒？
之後個侍應又係唔覆機就行開咗，完全唔知道佢哋係聽到定聽唔到，之後原來係聽到嘅，行返返嚟話就到㗎啦。
啲嘢食質素我就唔講啦，不過總之就唔值三百幾蚊。今次主要係講啲態度，我訂位嘅時候都講到明係要甜品寫住Happy birthday，佢最後又係勁慢速上甜品，全部菜都係一放低就走，甜品仲要冇寫到Happy birthday。之後我就同個侍應講，佢又係冇俾反應就行開咗，等咗大概15分鐘之後就有人拎返Happy birthday個甜品過嚟，就咁一野勁大力放低，完全係冇講，Happy birthday又唔會問我哋需唔需要影相，黐線真係好差。
但因為都唔會有下一次，我哋唔想喺嗰度鬧啲侍應，冇食晒個甜品就叫埋單。喺OpenRice book位行政午餐有七折，佢第一次攞張單係正價，我真係爭啲俾咗錢，之後睇落唔對路就同佢講佢又係唔出聲走咗去改單，一句唔好意思都冇。第二次拎返嚟又收咗我龍蝦湯嘅錢，大佬我都冇飲到龍蝦湯，之後佢又係唔出聲又拎咗張單，我真係唔知佢聽唔聽到。第三次返返嚟張單先係啱數嘅，究竟佢係搏懵定係點？
我真係從來未打過食評，呢間嘢差到我要寫我嘅第一次食評。總結，呢間餐廳絕對絕對唔建議再去，呢個質素同埋呢個態度真係令人卻步。
大家必須三思再去光顧。
Post