Video
Read full review
2007-05-07
23 views
近來真係忙到甩轆，無論係公事定係私事都忙得不可開交。冇時間整個人平靜下來，去偷吓浮生。是日實在感覺個人就嚟要爆炸一樣，所以我決定暫時放低所有嘢，同阿K去中環茗茶。講到去中環茗茶，大家不外乎會諗到「陸羽茶室」，所以我地就做一次「陸羽人」。 「陸羽茶室」可以話係新裝修、舊食品，如圖中所示，點心紙嘅設計都幾懷舊，可惜價錢一啲都唔懷舊喇，剩係茶錢都成十六蚊位。唔緊要啦，好食嘅話就可以值回票價。我地同埋兩個朋友，嗌咗幾款點心，包括糯米雞、叉燒飽、豬膶燒賣、蝦餃、焗排骨飯等。糯米雞係好似細細個食嗰啲咁大隻，裡面餡料幾足，呢種糯米雞好耐都未食過。至於燒賣嘅肉係用新鮮嘅豬肉製成，一啲雪藏味都冇。焗排骨飯嘅飯就稍為濕咗啲，不過成個飯焗得好香，味道亦不錯。不過嚟得「陸羽」，最重要都係佢嘅茶，不竟要成十六蚊一個茶位架！ 可惜嘅係，茶不是十分與眾不同，香係香了，但係呢種水準嘅茶唔係咁難响其他茶樓飲到。食物味道雖然唔錯，但如果考慮埋價錢嘅話，我覺得唔係咁值喇。四個人食咗三百六十蚊，都幾貴，冇法了，中環舖租咁高，唔收番咁上下點圍到皮！高大嘅朋友仲有一樣嘢要注意，就係卡位嘅樓底唔高，如果你好似李克勤那隻歌「我沒
「陸羽茶室」可以話係新裝修、舊食品，如圖中所示，點心紙嘅設計都幾懷舊，可惜價錢一啲都唔懷舊喇，剩係茶錢都成十六蚊位。唔緊要啦，好食嘅話就可以值回票價。我地同埋兩個朋友，嗌咗幾款點心，包括糯米雞、叉燒飽、豬膶燒賣、蝦餃、焗排骨飯等。糯米雞係好似細細個食嗰啲咁大隻，裡面餡料幾足，呢種糯米雞好耐都未食過。至於燒賣嘅肉係用新鮮嘅豬肉製成，一啲雪藏味都冇。焗排骨飯嘅飯就稍為濕咗啲，不過成個飯焗得好香，味道亦不錯。不過嚟得「陸羽」，最重要都係佢嘅茶，不竟要成十六蚊一個茶位架！
可惜嘅係，茶不是十分與眾不同，香係香了，但係呢種水準嘅茶唔係咁難响其他茶樓飲到。食物味道雖然唔錯，但如果考慮埋價錢嘅話，我覺得唔係咁值喇。四個人食咗三百六十蚊，都幾貴，冇法了，中環舖租咁高，唔收番咁上下點圍到皮！高大嘅朋友仲有一樣嘢要注意，就係卡位嘅樓底唔高，如果你好似李克勤那隻歌「我沒有六呎高」嘅話問題不大，身高過六呎嘅就要留意一吓了。
Post
