Video
Read full review
2019-01-20
162 views
個個講起食神，基本上都會諗起果碗黯咩然，銷咩魂飯！經開北角果邊又試下呢間以「食神叉燒」做噱頭嘅...叉飯就叉飯啦😏佈置有小小懷舊，地方有小小擠擁，節奏有小小急促，可能咁樣幾有舊香港嘅感覺？但講到對食神印象最深刻之處，我一定會話係呢張「好褶櫈」，佢嘅奧妙之處，係可以隱藏於民間，殺人於無形😂呢度嘅座位都幾忠於原著...◎ 黯然銷魂飯 - 叉燒帶有一陣焦香感，蜜汁令到口感更加豐富，至於一定要有嘅感人洋蔥去左邊? 原來佢化身成為一個醬，要幾感動自己話事。叉飯加多隻荷包蛋收80蚊 ，據稱飯係用黑龍江五常米加上野米mix出嚟，蛋係用初生蛋，加上以紫洋蔥調製嘅醬汁，作為平民美食嘅稍為升級版，我覺得可以一試😆◎ 原隻燒鵝脾飯 - 比起個叉飯，呢個燒鵝脾飯先最討我歡心，比多$40可以有隻脾原隻上，一個港式斧頭扒嘅概念，不過係迷你版。原隻食感覺別有一番風味，燒鵝皮燒得脆身，肉質幾嫩，最緊要梗係要點多啲酸梅甜醬，佢地簡直係天生一對😍◎ 脆皮燒腩仔 - 表現算平均，皮小脆，肉都幾嫰，正正常常！可能我已經比隻燒鵝脾深深吸引住！最緊要加多支玻璃樽裝維他奶！好有 feel 😍！！！
佈置有小小懷舊，地方有小小擠擁，節奏有小小急促，可能咁樣幾有舊香港嘅感覺？
但講到對食神印象最深刻之處，我一定會話係呢張「好褶櫈」，佢嘅奧妙之處，係可以隱藏於民間，殺人於無形😂呢度嘅座位都幾忠於原著...
◎ 黯然銷魂飯 - 叉燒帶有一陣焦香感，蜜汁令到口感更加豐富，至於一定要有嘅感人洋蔥去左邊? 原來佢化身成為一個醬，要幾感動自己話事。叉飯加多隻荷包蛋收80蚊 ，據稱飯係用黑龍江五常米加上野米mix出嚟，蛋係用初生蛋，加上以紫洋蔥調製嘅醬汁，作為平民美食嘅稍為升級版，我覺得可以一試😆
◎ 原隻燒鵝脾飯 - 比起個叉飯，呢個燒鵝脾飯先最討我歡心，比多$40可以有隻脾原隻上，一個港式斧頭扒嘅概念，不過係迷你版。原隻食感覺別有一番風味，燒鵝皮燒得脆身，肉質幾嫩，最緊要梗係要點多啲酸梅甜醬，佢地簡直係天生一對😍
◎ 脆皮燒腩仔 - 表現算平均，皮小脆，肉都幾嫰，正正常常！可能我已經比隻燒鵝脾深深吸引住！
最緊要加多支玻璃樽裝維他奶！好有 feel 😍！！！
Post
