FIVE GUYS

Open Now

Now Closed

早兩日做做下野死電腦，落街食小小野安慰心靈。揀左five guys 過江龍burger店！淨係睇佢地烹調時，我深深懷疑到底佢質素比吾比得上價錢，定只係掛住個外國名的普通小食店。結果！我覺得真係值得！我揀左cheese hamburger $85 一咬落去成口肉汁， 我都食到一半先記得影相。面包亦都外脆內軟，而家牛同芝士同好香。非常有好感！但是，因為肉汁太多，我食到最後成手都係汁之餘，包身都因為吸滿汁而開始淋。中後段時發現個包太勁有點膩（普通女仔真係可以揀little hamburger)，個酸瓜好幫得手，酸甜味極重，好醒味蕾。另外餐廳無任何套餐，我散叫左超肥又出名的奶昔！（$55）佢有超過8款材料你揀可以混合，你亦都可以揀多過1種材料。 我自己選擇就salted caramel + Oreo cookies。 成杯好似雪糕甘滑甘香，根本係一個甜品而吾係飲品。 極飽 極肥 極好味。