Video
Read full review
2022-05-24
796 views
終於放監可以出街食晚飯😍，我同女友再次幫襯咗第一街嘅The Bottle & Steak。佢係我近黎最為推介嘅飯堂，拍拖或朋友聚會都好適合，皆因食物價廉物美，氣氛好。我哋冇訂位，去到Full House，所以要等陣先入得。小店面積唔大，一眼睇晒，裝修簡約，行工業風，後方有大大個啤酒櫃，感覺好Chill。我同女朋友唔係第一次嚟食，所以佢嘅幾款扒都曾一嚐，但可能一段時間冇黎，佢多咗啲菜式。最終我哋繼續嗌咗必食嘅招牌Flat Iron Steak，另外再加小食。呢度唔使收+1服務費，等同Free你飲品👍。餐廳定價大眾化，平則百頭有交易，貴則三百蚊，飽到你食唔落，其他西餐廳分分鐘一件扒都收你三舊水啦。Flat Iron Steak$128平鐵牛扒再次冇令人失望，肉本身未必係好Premium嗰種，但都屬正常水平，不過最重要係個烹調方式。佢保留原始燒烤風味，食落好重牛味，唔沾汁食都已經夠味。牛扒幾大塊，夠厚，估計可能有成八安士。Side Dish仲有沙律同手切薯條，我相信男仔食都一定夠飽。Mexican WingStick$68佢類似水牛城雞翼，重口味得來好正，微微辣令人流晒口水。佢用上雞鎚，算得
我哋冇訂位，去到Full House，所以要等陣先入得。小店面積唔大，一眼睇晒，裝修簡約，行工業風，後方有大大個啤酒櫃，感覺好Chill。
我同女朋友唔係第一次嚟食，所以佢嘅幾款扒都曾一嚐，但可能一段時間冇黎，佢多咗啲菜式。最終我哋繼續嗌咗必食嘅招牌Flat Iron Steak，另外再加小食。呢度唔使收+1服務費，等同Free你飲品👍。餐廳定價大眾化，平則百頭有交易，貴則三百蚊，飽到你食唔落，其他西餐廳分分鐘一件扒都收你三舊水啦。
Flat Iron Steak$128平鐵牛扒再次冇令人失望，肉本身未必係好Premium嗰種，但都屬正常水平，不過最重要係個烹調方式。佢保留原始燒烤風味，食落好重牛味，唔沾汁食都已經夠味。牛扒幾大塊，夠厚，估計可能有成八安士。Side Dish仲有沙律同手切薯條，我相信男仔食都一定夠飽。
Flat Iron Steak
$128
36 views
0 likes
0 comments
Mexican WingStick$68佢類似水牛城雞翼，重口味得來好正，微微辣令人流晒口水。佢用上雞鎚，算得上係大啖肉，而且肉質亦都嫩。佢份量好多，一份有成6隻，平過韓式炸雞店，同快餐店差唔多！
Mexican WingStick
$68
22 views
0 likes
0 comments
煙三文魚砌成一朵玫瑰花，除咗造型精美之餘，其實份量仲幾多，攤開有成四塊。煙三文魚伴辣沙律醬食，令佢唔只止得鹹香。
Smoked Salmon Rosettes
$58
20 views
0 likes
0 comments
呢個係之前嚟幾次都無食過，見隔離枱爆晒芝就試吓，估唔到真係咁出色！中東包本身超軟熟，絕對唔係硬卜卜，刮喉嚨嗰種，而中間就夾住拉絲mozzarella cheese🧀 。咁多芝士都難得唔覺溜，不過一定要襯熱食。
Trio Cheese Pita Bread
$58
25 views
0 likes
0 comments
蝦球細細粒，外層唔係普通炸粉，而係蘸上粟米片再拎去炸，所以口感特別酥脆。入面就係新鮮蝦肉，彈牙鮮味，一客有八粒，啱啱好。
Popcorn Prawn Balls
$68
14 views
0 likes
0 comments
題外話，雖然店舖極旺場，不過店員仍然好細心。話說我哋切開塊扒後，發現生熟度稍為差少少，但其實都唔太大所謂，所以冇出聲，但店員竟然主動關心我哋，有冇需要再處理一下。今時今日有咁嘅服務非常難得！基本上我冇任何嘢可以挑剔，餐廳值得高度推介。
Post
