尚八日式燒肉店 (Closed)

旺角少有嘅日式燒肉放題，當然要去食下啦！黃金時段7半至九半$268一位，晏d仲再平d，都幾抵食！前茶有好多款選擇，有沙律、煎餅、餃子等等，最特別係佢有生牛肉刺身，仲要係任食添！食落唔太重牛肉味，質感香嫩，口感好滑口，一定要試！加$30仲有任食刺身，真係好多野食！燒肉質素都幾好，推介牛肋骨肉同牛小排，食落肉質最嫩，另外仲有法式香草小羊架，羊味好重，但一d都唔騷，肉質嫩好易咬開，好食到encore 左幾次！另外海鮮食左清酒煮硯同香草牛油廣島蠔，值得一讚嘅係煮硯，肉又大又厚實，味道鮮甜！蠔咬落新鮮，仲好多汁，不過同個汁好似唔係好夾。