Video
Read full review
2015-02-13
3658 views
第一次食私房菜, 但我心目中的私房菜, 係細細間, 得自己1-2枱人食, 其實呢度咁多枱, 都唔知點解會叫私房菜? 似細間少少的酒樓多D囉~上網睇過有咩菜式被推介, 又有邊D又預早訂, 所以早一星期打嚟book枱同訂餸, 其實只係一d"大餸"要訂定, 其他"細餸"都可以即場叫, 所以暫時order咗燒豬肋骨、豬肚雞同埋梅菜扣肉, 其餘去到再叫~唔知咁啱果日係星期五晚, 所以特別爆場, 定係晚晚都咁爆場, 真係坐無虛席, 非常熱鬧, 所以就算訂咗果D餸, 都唔係好快上, 我地果晚都食咗差不多個半鐘, 都算係耐~呢度裝修同酒樓差不多, 都係有大水晶吊燈, bar枱, 酒櫃等等, 面前一大片空地泊車, 但由於車太多, 好多時double park, 要老闆娘拎住寫咗車牌的紙, 每張枱問, 睇下幾時"中奬"? 講返d食物, 最先嚟到的竟然係 燒豬肋骨, 我地叫咗一客半, 總共有12條肋骨, 舊舊肋骨都好大舊好好肉, 唔似西餐廳果d咁發肉不良, 而且好juicy, 我覺得佢係先蒸至半熟, 然後先拎去燒焗, 一來快, 二來可以保留肉汁, 唔會咁乾~食完個豬肋骨, 隔咗都有成十分鐘, 先嚟呢個萬
上網睇過有咩菜式被推介, 又有邊D又預早訂, 所以早一星期打嚟book枱同訂餸, 其實只係一d"大餸"要訂定, 其他"細餸"都可以即場叫, 所以暫時order咗燒豬肋骨、豬肚雞同埋梅菜扣肉, 其餘去到再叫~
唔知咁啱果日係星期五晚, 所以特別爆場, 定係晚晚都咁爆場, 真係坐無虛席, 非常熱鬧, 所以就算訂咗果D餸, 都唔係好快上, 我地果晚都食咗差不多個半鐘, 都算係耐~
呢度裝修同酒樓差不多, 都係有大水晶吊燈, bar枱, 酒櫃等等, 面前一大片空地泊車, 但由於車太多, 好多時double park, 要老闆娘拎住寫咗車牌的紙, 每張枱問, 睇下幾時"中奬"?
講返d食物, 最先嚟到的竟然係 燒豬肋骨, 我地叫咗一客半, 總共有12條肋骨, 舊舊肋骨都好大舊好好肉, 唔似西餐廳果d咁發肉不良, 而且好juicy, 我覺得佢係先蒸至半熟, 然後先拎去燒焗, 一來快, 二來可以保留肉汁, 唔會咁乾~
食完個豬肋骨, 隔咗都有成十分鐘, 先嚟呢個萬眾期待的 胡椒豬肚雞, 熱熱辣辣, 一大煲, 要由男人拎上, 一打開蓋, 嘩............好香, 但又未食得住, 因為要等姐姐將個豬肚支解, 姐姐真係做到唔駛望都得, 一把鉸剪, 三兩下手, 已經將個豬肚開花, 排得整齊又靚, 原以為肚中只有雞, 但原來雞中又有好多料, 包括糯米、蓮子、銀杏、栗子等等, 好多料, 但已經煲到溶溶爛爛, 機乎分唔到係乜, 而個湯仲有支竹同娃娃菜, 成個湯好甜好夠味, 不過個人認為胡椒味唔夠, 可能我平時飲開果d重胡椒味, 不過整體上唔錯~
各人忙於飲胡椒豬肚湯時, 另一個又係有湯的餸上, 就係 上湯浸什菜, 雖然細煲D, 但都好夠份量, 有娃娃菜、菜心、芥蘭、西蘭花、木耳等等的什菜, 種類都算幾多, 個湯個味好特別, 似曾相識, 但硬係諗唔起, 不過唔知係咪佢加色加得太多, 你唔會估計到什菜湯D色係咁深咁啡~
另一要預訂的招牌菜又嚟, 就係 梅菜扣肉, 可能佢幾枱一齊整, 因為見佢一次過有幾碟一齊拎出嚟, 不過睇唔到邊碟靚D或者多D, 因為D扣肉全部用個碗倒吸住, 到上枱時先拎開個碗, 因為D扣肉好林, 怕佢散哂, 當一打開個碗, 扣肉就瞓上D梅菜度, 大約切開咗8片, 真係五花腩嚟架, 一層肉一層肥, 雖然唔係太健康, 但久唔久先食, 就括出去啦~ D肥膏入口即化, D肉都係, 但食多真係會漏, 而D梅菜餸飯真係一流~
一聽個名 蜜蜜骨, 仲以為係用蜜糖去整, 但原來係用柚子蜜去整, 做法類似生炒骨, 但排骨冇包住一大層皮, 只係薄薄一層粉, 但D汁就似乎唔多夠, 唔可以舊舊骨都包到汁, 但味道都唔錯, D柚子蜜杰撻撻
最後一個肉都上埋, 叫咗3只 乳鴿, 聞到好香BBQ味, 個皮燒到好脆, 但D肉仲好嫩, 不過就肥咗少少
又一招牌菜, 金蒜粉絲蒸勝瓜, 粉絲唔駛講都係最正, 吸收哂D精華, 但個人覺得鹹咗D, 可能佢唔只金蒜, 仲加埋其他鹹蝦之類一齊蒸, 所以平時清淡的我, 覺佢味道偏重, 反而個瓜唔係咁吸味, 就好好食, 最鍾意佢呢度將勝瓜D硬皮去淨, 所以啖啖都好林, 唔似出面D酒樓, 留返少少硬皮, 可能驚煮到爛哂, 影響賣相掛?
最後一碟 薑汁炒菜心, 炒得好香口, 而且都幾重薑汁味, 不過都係味道偏濃
呢個好似要預早好似半個鐘叫, 真係即叫即整, 所以响食到七七八八時, 就order咗3碗 燉蛋, 其實都係一人1/3碗試下, 因為太飽, 但又想試下呢個人人讚好的甜品, 好彩不負所望, 又熱又滑, 唔會太甜, 令今餐劃上完美句號
講真, 呢度真係未必會再嚟, 其實佢d食物唔係太特別, 都係d家常便飯, 只有數款係特別些少, 但真係太貴, 因為埋單時, 我係出去搵老闆姐計數的, 我睇住每個餸寫出嚟的價錢, 對於我呢家會煮飯的, 用呢個價錢, 可以煮到幾圍餸, 覺得有些不太值, 但生日主角兼屋企大廚話聽人講呢度好食, 先嚟試一試, 試完知道咪算囉~
Post
