Chatterbox Café (K11 Musea)

Open Now

Now Closed

成日見人喺K11 Musea打卡，今日終於到此一遊！中午時間經過 Chatterbox Café，有午市套餐供應。 門口排晒長籠，原來係猛龍過江，被譽為「海南雞飯始祖」嘅新加坡餐廳。見到枱枱都叫【文華海南雞飯】梗要跟大隊！ 聽講雞肉經過特別挑選，仲用左50分鐘慢煮，特別嫩滑。 配上辣椒醬、薑蓉同特製雞飯醬油，可以按個人口味選擇，我最欣賞佢個薑蓉，清新香味又唔會攻鼻。 另外雞油飯夠香，雞湯亦夠清甜。【白胡椒肉骨茶配白飯】原煲上熱辣辣，飲得到肉香、胡椒香同蒜香，唔算話太濃味，又唔會太辛辣嗆喉，用油炸鬼蘸嚟食，正！【玫瑰咖啡】拉花好靚。 濃濃咖啡香味，夾雜玫瑰花香，咖啡控不能錯過！【美祿恐龍】好似好濃咁，好邪惡呀！ 留返俾對面那位胖胖。【招牌椰子雪糕】椰皇入面有兩球椰子雪糕，香甜帶有椰肉，面頭有啲脆脆合桃增加口感。