Y Show Tasty (Closed)

厚福街實在有好多美食啦，今次就去左H8 12樓呢間西餐廳。呢度環境好有情調，非常適合情侶黎撐枱腳，燈光昏暗，格調有點高級的感覺。呢度有好多食物可供選擇。飲品方面，個人推薦sunset island，因為芒果味濃，加埋熱情果，甜甜地好開胃。我地就叫左白酒煮托托蜆作前菜。蜆肉相當大粒，而且熟度剛剛好，食落唔會太韌。加上，白酒味非常香，食落好醒胃，前菜來講份量都算多，價錢相宜。主菜方面，我地就點左軟殻龍蝦漢堡，賣相相當吸引。軟殻蟹就食得多，軟殻龍蝦就第一次食。我好欣賞廚師對食物質素嘅認真，龍蝦相當新鮮，好好食，肉質又爽又甜，彈口，非常好味。漢堡個包非常柔軟，唔會食到好嚡口，同平時快餐店食嘅完全唔一樣，令我對漢堡有另外一個睇法，可以話係一個漢堡新體驗。甜品我地就叫左法式焦糖燉蛋，女朋友非常中意食。