bong 肉店 & 烤肉 (Closed)

提早做完野，未食晏就嘅我諗住食返個豪啲嘅下午茶，雖然最後食完連晚餐都唔使食haha。店入面嘅姨姨好犀利，以為佢淨係識韓文同英文，諗住住程用英文溝通，點知佢都識唔少廣東話。好詳細咁向我介紹佢地有賣邊啲牛，款式有咩特點等等。佢話以嫁做緊推廣，$200左右就有一個烤熟成牛脊肉餐，身為牛魔王嘅我當然要試下。點完牛就會幫你磅下舊牛，再現場幫你燒，啲火都好勁下，媲美日式餐廳啲鐵板燒表演，我都有啲嚇親。-烤熟成牛脊肉呢個套餐有肉有菜，蔬菜方面有菜心、茄子、三色椒、菇等等。炒得幾香，但略嫌有少少油。牛肉好濃味，入口軟嫩，油脂分佈唔錯。配埋芽菜都幾爽口。