燒蝦蝦 (金福閣） (Closed)

嚟呢度食放題真係可以不醉無歸啊！因為呢度除咗有最特色嘅流水蝦可以即釣即燒之外，仲有啤酒、汽水、雪糕、甜品等等任飲任食㗎😎 更加有特色嘅係連清酒都有得飲呀，啱晒唔同口味嘅朋友😉今次係同小朋友一齊嚟，所以都唔敢淨係食肉😮 要教佢哋均衡飲食呀嘛😝 蔬菜類嘅產品都有好多，可以喺自助區度自己揀。🥬 個人最鍾意係翠玉瓜，同埋大蔥。燒完真係好香好好食呀😍 配埋雞肉一齊食好夾另外串燒種類都唔少㗎，有我最鍾意嘅雞軟骨🐥 仲有啲丸同埋台灣腸等等😋 成個放題都好令人滿意😊 兩個半鐘完全唔會覺得太趕唔夠時間食😙 仲可以同朋友啤啤佢🍻