每片都切得好薄，好考師傅嘅刀工，好新鮮，魚味濃郁，調配左特製嘅酸汁，沾上後更加帶出魚嘅鮮甜味。
蟹味噌甲羅燒
上碟嘅時候賣相已經好吸引，開爐燒嘅時候更加係香噴噴，比起平時食嘅更加有蟹嘅鮮甜味，混合左蟹籽，食落個口感層次都好特別。
黑松露鰻魚卷
黑松露嘅份量恰到好處，唔會搶咗鰻魚嘅味道，壽司卷裏面包左啲青瓜，呢個組合有三個唔同嘅層次。
燒明太子
夾青瓜一齊食，將明太子嘅外圍燒香，可以食埋明太子嘅咸香味。
香蒜牛舌
有五片，每片都好厚身，咬落好爽口，牛味足。
和牛粒炒飯
份量好大碗，兩個人都食唔晒，好香牛味，唔太油。
活貝盛合
現場店員會喺旁邊幫我哋燒，見到啲鮑魚仲好新鮮喺度郁，店員燒嘅時候會加入特製嘅海鮮醬汁，燒出嚟嘅時候更加Juice，蜆肉大大粒多汁彈牙，蠔好大隻，鮑魚燒出嚟唔會太縮水，有口感又唔韌，扇貝好冧身好Juice。
青蘋果乳酸
好香嘅青蘋果味，附有青蘋果粒，好清甜。
白桃梳打
對比青蘋果乳酸，比較淡口，但有淡淡的白桃味。
