燒蝦蝦 (金福閣） (Closed)

成日聽台灣朋友講食流水蝦餐廳，即夾即燒好吸引，一直都想去台灣試吓，估唔到香港都有呢類餐廳！！！兩個半小時任食，大頭蝦即夾即燒，有得玩又有得食✨啲蝦勁生猛，想夾嗰隻成日走佬， 絕對係反應同手速嘅考驗😈除咗蝦之外，仲有好多不同海鮮貝殼類：鮑魚、扇貝、生蠔、花甲、青口、原條魚等～應有盡有，燒嘅時候可以自己加蒜蓉蔥花牛油等，我就喜歡原汁原味，加少少鹽就已經好好味😋啲大頭蝦鮮味十足，蝦頭爆晒膏～勁正🤤海鮮以外仲有好多肉類、蔬菜等選擇，個人推薦台灣蜜糖腸、雞軟骨同燒菠蘿，菠蘿超厚切，燒完又多汁又甜，好食到要一再encore👍肚餓等唔切慢慢燒嘅話，餐廳都好貼心咁提供左唔少熟食選擇，如炸雞球、炒螺、豉油皇煎大頭蝦等。飲品方面有驚喜，雪櫃除左有比較少見既飲品，仲有韓國燒酒、啤酒等，日式清酒都梅酒都一應俱存✨食太多想消滯仲可以自己沖熱茶，茶款非常多選擇👍至於甜品有好多不同雪糕雪條，仲有成櫃蛋糕甜品任君選擇。呢度好玩得黎亦唔止係食蝦咁簡單，海鮮控絕對唔可以錯過😋