————————————
蔥油豬扒飯（$64）
坐底之後見到台台都一定有人叫佢地嘅招牌蔥油豬扒飯，咁我地當然都唔執輸啦，一定要試下。一上台已經見到塊炸豬扒仲大過個碗，仲要好厚身。炸豬扒一向都好驚會炸到好乾身，但係依間塊豬扒又大又厚仲要食到有汁😍😍😍。蔥油份量好多仲配埋炸蒜，未食之前仲驚會唔會太鹹，不過撈勻之後又岩岩好喎，鍾意食香口野嘅朋友就一定要試。
————————————
叉粒豆角蔥花炒滑蛋飯（$58）
怕熱氣嘅朋友都唔洗驚，可以試佢嘅叉粒豆角蔥花炒滑蛋飯，叉燒配滑蛋一向都係絕配 😋😋😋。同炸豬扒飯一樣，叉燒滑蛋都係滿滿咁蓋過啲飯。雖然外表無炸豬扒咁吸引，但係絕對食到滿滿嘅心機。炒蛋夠滑，啖啖都食到滿滿嘅叉燒同豆角粒。
另外仲加左蘋果汁同豆漿解渴
PS. 佢地嘅份量都幾大份下，如果驚食唔曬可以remark少飯😉😉😉
