Burgeroom (美麗華廣場1期) (Closed)

漢堡包分量好大，可以同朋友share食，另外叫啲沙律，雞翼等小食，2个人一齊食。漢堡包係即叫即整，熱辣辣，我加咗蜜糖芥末醬，加咗之後酸酸甜甜會好食啲。佢嗰隻蛋夠厚，有口感。雞翼係即刻炸，外面層皮有少少脆，裏邊啲肉嫩口有肉汁。一碟就有6隻。榛子朱古力，我叫咗少冰，朱古力味幾香濃，再加埋榛子味道。沙律就好大碟，可以2，3個人share食，呢度啲沙律係用橄欖油，比較健康啲。餐廳位置好方便，喺美麗華商場二樓，食完可以喺商場嗰度行下，睇下衫。