篤篤船麵 (V Walk) (Closed)

來到南昌站上蓋， 行完商場， 去食個晚餐😋今日想食惹味嘅麵， 又想飲碗湯， 就決定嚟咗呢間泰國篤篤船麵🛶餐廳衛生乾淨企理， 職員態度友善殷勤， 仲會介紹菜式。🐮泰式牛魔王配牛湯，有牛𦟌牛柏葉牛丸牛滑， 湯底牛味濃厚， 配上金邊粉 ，吸收咗湯底嘅味道， 叫泰式牛魔王 真係實至名歸。🛶話明船麵就梗係一會碗碗嫁啦， 三碗細細碗嘅船麵， 有唔同嘅配菜， 唔同嘅湯底， 唔同嘅麵底，一試無妨 - 鹵水雞翼清雞湯金邊粉， 扎肉牛肋湯米粉， 魷魚煮辣湯米粉， 一個餐滿足你三個願望， 滿足你三個口味🥣冬陰功湯， 辣度適中， 仲有新鮮大蝦🍤仲叫左蔗蝦同蝦餅食左好多野，飽飽😋