𑁍《泰式粉絲蟹煲》
一上枱已經俾個瓦煲個啲咧咧嘞嘞聲吸引左
聞到濃濃嘅蟹香同少少蒜味
啲粉絲吸晒蟹膏油 炒到條條上哂色好乾身
入口爽彈 仲好惹味添
要講戲肉了 大大隻焗蟹 真係啖啖肉🦀
蟹鉗蟹弶都粗過兩隻手指公加埋喔
剝出嚟好似拎住雞髀咁食 真係好滿足 肉厚味鮮甜
其實佢連蟹腳都有肉 食到唔會放棄任何一part
放心 店家有提供圍裙同手套 可以慢慢剝
.
𑁍《香葉肉碎炒飯》
炒飯比較濕潤 中間的香葉味好突出
飯粒帶住少少辛香 好開胃
穿插住肉碎 炒得香口唔油膩 味道鹹香適中
.
𑁍《椰青》
食泰菜我每次都必點椰青
清甜嘅椰青水 清新清甜又解渴
仲要用鐵匙羹🥄𢳂哂啲雪白色既椰肉 嫩到好似魚生咁充滿童年回憶🥥
