Video
Read full review
2019-02-02
48 views
相信好多人都有食過倫哥，最近佐敦仲開左新店，交通方便，好近地鐵站。上到去比一般的倫哥大，而且裝修都比較靚，店員服務都好好，親切細心。任飲的飲品櫃都幾大，仲有幾個，基本汽水果汁都有提供。前菜有雲耳同豆角，小小辣，爽脆開胃。首先上菜的係蠔皇扣鮑魚，鮑魚好入味，香氣十足，就連伴碟西蘭花配上蠔皇汁都好好食。一人一份的湯係雞腳豬肉湯，飲落唔會偏咸，感覺應該無乜味精，豬肉咬落都無好乾，証明煲湯都新鮮。正式開餐前會有小遊戲送串燒，抽籤形式抽到咩就送咩，今次好好彩係金菇肥牛，燒得好夠火侯好香。刺身方面都幾多款，人頭份量，樣樣都好新鮮。最欣賞係帆立貝刺身，因為佢唔會好似有d放題店咁雪到好冰好難入口，又軟又新鮮。蝦都好正，又大又厚肉又鮮甜。雞煲有得揀大中小辣，如果中意辣的都可以叫中辣或以上，今次叫左小辣個人覺得唔多夠辣。雞肉都好嫩滑同入味，份量都幾多，大胃仔仲可以瘋狂追加。食到咁上下加入豬皮魷魚吸埋d汁食就更惹味了。食左咁多野終於到火鍋了，整煲換上的火鍋今次係食豬骨湯底。湯頭就咁飲都好鮮甜，大大舊的豬骨仲可以攞黎吸入面的骨髓，粟米更是入味清甜。無加錢轉龍蝦都有得食蟹鍋，海鮮開頭會比人頭份，之後除左蟶子同蚌
前菜有雲耳同豆角，小小辣，爽脆開胃。
首先上菜的係蠔皇扣鮑魚，鮑魚好入味，香氣十足，就連伴碟西蘭花配上蠔皇汁都好好食。
一人一份的湯係雞腳豬肉湯，飲落唔會偏咸，感覺應該無乜味精，豬肉咬落都無好乾，証明煲湯都新鮮。
正式開餐前會有小遊戲送串燒，抽籤形式抽到咩就送咩，今次好好彩係金菇肥牛，燒得好夠火侯好香。
刺身方面都幾多款，人頭份量，樣樣都好新鮮。最欣賞係帆立貝刺身，因為佢唔會好似有d放題店咁雪到好冰好難入口，又軟又新鮮。蝦都好正，又大又厚肉又鮮甜。
雞煲有得揀大中小辣，如果中意辣的都可以叫中辣或以上，今次叫左小辣個人覺得唔多夠辣。雞肉都好嫩滑同入味，份量都幾多，大胃仔仲可以瘋狂追加。食到咁上下加入豬皮魷魚吸埋d汁食就更惹味了。
食左咁多野終於到火鍋了，整煲換上的火鍋今次係食豬骨湯底。湯頭就咁飲都好鮮甜，大大舊的豬骨仲可以攞黎吸入面的骨髓，粟米更是入味清甜。
無加錢轉龍蝦都有得食蟹鍋，海鮮開頭會比人頭份，之後除左蟶子同蚌類都可以任食。不得不讚下貝殼類全部都好正，大大隻仲要好新鮮，無砂而且多肉，懶人都食得好舒服。魚類都處理好無骨，薄片好快熟。
牛頸脊肉質軟滑，花紋好靚脂肪分佈平均，牛味偏濃，因為肉的質素比較好，慢慢食的時候放耐左都唔會發黑。
墨魚滑蝦滑都可以任食真係不得了，原因係兩款同樣爽口彈牙，當中更有墨魚塊蝦塊，入口更加有豐富口感，煮耐左一樣好食。
雲吞水餃皮薄餡靚，原隻鮮蝦做雲吞，用料一啲都唔hea，放入火鍋仲唔會好易散。
蔬菜類種類唔算好多，但基本上打邊爐會食的都會有，放入豬骨湯煮食，吸湯又掛湯。
最後食飽飽就可以間店員攞糖水食。透明的冰粉好特別，清涼爽滑，淋上黑糖調味更覺清新，為豐富的晚餐畫上句號。
Post
