一葉台灣料理

Open Now

Now Closed

呢間餐廳雖然叫台灣料理，但味道明顯有就港人口味做調整，幾盒我個人口味，而且份量亦好大，甚有驚喜首先叫咗紅燒牛筋牛肉麵，牛筋同牛肉都炆得好林，但湯底就正常，冇咩特別令人記得嘅調味台式擔擔麵就幾有驚喜，麵質幼滑，湯底就麻味比較重，有啲蝦米同花生碎，幾好食，我亦都加配咗個雞扒，雞扒嚟到嘅時候仍然好脆，值得一讚，而盒入面有少少配雞扒嘅醬汁，雖然個醬汁幾好食，但係令到掂醬汁嘅雞扒部位林咗，而且醬汁份量亦都好少，所以建議一係唔好提供醬汁，一係就另外俾多少少醬汁會比較好另外嗌咗個蚵仔煎蛋，初頭以為係台式的蚵仔煎，但食落感覺更似煎蠔餅，一來中間係無麻薯嘅，但係加咗九層塔喺煎蛋餅之中，味道好夾，蠔亦都新鮮，但整煮煎蛋中竟然發現三塊蠔殼，太危險了，好彩無插損個咀，希望店主多多留意！最後亦都係最有驚喜嘅就係九份綜合小丸子，一打開發現成個碗都係滿滿嘅小丸子，好誇張😂入面分別有黃色同紫色嘅芋圓，黃色嗰粒冇乜味，而紫色嗰粒就明顯食得出係芋頭味，湯底方面就識到啲紅棗，桂圓，同埋少量陳皮，之後我自己加咗兩片薑再滾下，仲正