Video
4-min walk from Exit A, Quarry Bay MTR Station
continue reading
Telephone
25639388
Introduction
This eatery locates in a little alley and owned by a Taiwanese lady. She imported ingredients from Taiwan and serve authentic and homey dishes including salted crispy chicken, rice with minced pork and three cup chicken.
continue reading
Opening Hours
Today
11:30 - 15:00
18:00 - 21:45
Mon - Sun
11:30 - 15:00
18:00 - 21:45
Public Holiday
11:30 - 15:30
18:00 - 21:45
Public Holiday Eve
11:30 - 15:00
18:00 - 21:45
Above information is for reference only. Please check details with the restaurant.
今日黎開呢頭做gym, 做完之後又肚餓又攰，費事諗食乜嘢，見到乜嘢就食咩算啦~ 喺樓下兜咗兩個圈之後發現咗呢間台灣嘢啲嘢食好似幾吸引咁，於是就揀咗佢啦~ 平日六點幾入座都唔算多人，我估餐廳主要係做附近Office打工仔午市生意，所以夜晚一行入嚟就有位了~ 上OpenRice睇吓有咩推薦，見到個個都叫牛肉炒飯，我都叫黎試吓~ 其實得一個人原本應該叫一碟炒飯都夠，不過我自己又為食所以叫多咗個金沙南瓜，炸完嘅南瓜再加上滿滿嘅鹹蛋黃，都冇乜可能唔好食，一個人都食咗大半碟完全停唔到口，卡路里就唔好諗啦(完全將頭先做gym嘅成果食返晒返嚟) 另外雖然我食南瓜食到好飽，但係牛肉炒飯我都一個人食晒全碟，因為真係啖啖牛肉，同茶餐廳嗰啲得幾粒肉完全係兩件事~ 食完之後捧住個肚走，都唔知做gym嚟做乜, 不過人生就係運動完食，食完又運動架啦，聽日又要繼續努力
continue reading
今日同朋友去咗鰂魚涌地鐵站附近一間台式料理餐廳食晚飯。餐廳環境舒適，而且佢啲食物都好地道有一啲台灣嘅小炒。我自己叫咗古早味家鄉拌麵配雞排。呢碗拌麵真係好有台灣特色，麵條煮得啱啱好，口感滑順，唔會太硬。拌麵嘅調味汁味道濃郁，帶有一啲微微嘅甜味，裏面有啲滷肉，所以有啲肉汁，食落去非常開胃。最吸引嘅就係上面嗰塊炸雞排，外脆內嫩，雞肉鮮嫩多汁，咬落去好有滿足感！ 而且身邊有一個醬汁，我覺得同個雞扒幾夾！本身雞排嘅脆皮上面，佢沈有少少甜粉，唔確定係堂定係台灣嗰隻梅粉！整體來講幾特別！招牌牛肉炒飯炒飯嘅顏色金黃，夠晒鑊氣，粒粒分明，唔會黏埋一齊。牛肉炒得剛剛好，嫩滑又唔油膩，味道相當鮮美，仲有一啲蔥花同埋胡椒粉嘅提味，飯粒吸收咗牛肉嘅鮮味！重點係真係超級大碟，本身諗住叫小炒最後都嗌唔到啦。總括來講，今次嘅晚餐真係非常滿意，無論係拌麵定炒飯，味道偏向地道。如果你鍾意台灣美食，真心推薦大家去試下呢間餐廳，絕對唔會失望！下次再嚟一定要試下佢哋其他嘅招牌菜！
continue reading
今天約了在鰂魚涌區工作的朋友晚飯。 天氣真的很熱，冇哂胃口，想吃些輕食。朋友是地膽，推介去附近有一間好有特色由台灣人開設的台式小店, 位於小巷內的隱世小店名一葉臺灣料理。 它在鰂魚涌芬尼街13號得發大廈地下B號舖，港鐵鰂魚涌站 B1出口, 一出轉彎步行那條橫街就到。 餐廳舖面不是很大，裏面裝修簡約，貼滿著名菜式食物 poster。 檯椅擺設整齊，地方算寬敞，坐得舒適! 餐牌的食物選擇很多，菜式富地道風味：粥粉麵飯、台灣精緻小菜、甜品、飲品及特色推介! 店員告知最近有基隆夜市週推廣，於是我們要試試! *金沙南瓜即叫即做，南瓜炸得外脆香口，內裏軟滑香甜。 最惹味是加上大量咸蛋王爆炒，十分好味，吃不停口! *招牌牛肉炒飯即炒上檯已香味四溢。 飯炒得好乾身，很有口感。 配合牛肉和配料和由台灣運來的調味料，整體的味道提升不少，超正! 這間的台式小店, 雖然在於小巷內，但有不少食客慕名而來。食物質量高，價錢親民，上班一族午餐的好去處! 晚餐可試精緻招牌小菜：三杯雞 紅燒牛肉麵 左宗堂蝦球等，都是不錯選擇，值得捧場!
continue reading
前排去完台灣之後食台灣菜食上癮，今日放工立即行動嚟咗鰂魚涌一間叫一葉嘅餐廳食，簡單咁叫咗兩樣嘢，分別係牛肉炒飯同古早味撈麵配炸雞扒牛肉炒飯上枱熱辣辣，出晒煙咁，而炒飯入面嘅牛肉粒份量非常之慷慨，差唔多每一啖飯都夾雜住肉粒，而調味亦做得好出色，將簡單嘅炒飯煮得出神入化；至於古早味撈麵配上特調嘅肉醬，麵條非常煙靭，炸雞扒食落好似夜市食嘅一樣，甚有特色估唔到香港都可以食到咁地道嘅台灣料理，呢間小店雖然空間唔算大，勝在價錢相宜，食物味道出色，值得推薦#一葉台灣料理
continue reading
今天同朋友去鰂魚涌親友屋企打麻雀，到食晚飯時就係附近搵吓嘢食，我朋友喜歡食台灣料理，親友就介紹附近有間好食好坐嘅台式餐廳，這間餐廳叫一葉台灣料理，位於鰂魚涌芬尼街13號得發大廈地下B號舖 ，港鐵鰂魚涌站 B1出口，行幾分鐘就到，十分方便。這間餐廳用上簡約木系裝修，餐廳內好有台灣小店風味，枱椅擺設整齊，地方算寬敞，令人坐得舒適，原來店主係台灣人，所以餐牌菜式都是正宗台灣料理，客人可以品嚐到正宗嘅台灣菜。而餐廳嘅餐牌都好吸引，有幸福便當、一葉套餐推介、十大必食、台灣精緻小菜、一葉推介、甜品推介、粉麵飯類等，還有基隆夜市週推廣，真係好多食品選擇。🌟我哋係基隆夜市週推廣選了招牌牛肉炒飯，又係十大必食揀咗台式菜脯炒三寶，而係粉麵飯類叫咗雞扒擔擔麵。首先上枱是台式菜脯炒三寶，三寶係茄子、四季豆、苦瓜，三寶都煮到好軟身，四季豆豐富纖維質爽口，茄子好有綿軟質好入味，苦瓜十分甘甜完全唔苦，菜脯好香口好爽脆，咸香味道令人食得開心，撈埋一齊食好夾好食，撈飯仲一流。 🌟即炒上檯基隆夜市週推廣嘅招牌牛肉炒飯香味十足，份量不少，香蔥、甜洋蔥、蛋、牛肉碎，配上台灣珍珠米炒飯，飯炒得好香，加上由台灣運來的調味料來煮，真係每啖飯食得令口感清爽豐富，特別要讚美是牛肉碎，好有牛肉味道，令整體嘅味道提升不少，好正。🌟而雞扒擔擔麵分開有炸雞扒同肉燥擔擔面，擔擔麵質食落軟滑好味，唔硬唔稔身，擔擔面湯底味道香濃適中，只有少少微辣，湯底有櫻花蝦米、香蔥、豬肉碎、花生，非常惹味，雞扒份量充足，鹽酥雞扒炸得好酥脆，配上酸辣醬，令到雞扒更美味可口，配埋雞扒同擔擔麵一齊食非常夾。這間台式餐廳好值得推薦俾大家，好食又抵食，食物的水準高和用心去做，價錢唔貴又合理，店員服務態度好，我哋下次一定再嚟食。
continue reading