蟹仙海鮮蒸氣鍋 (仁愛街) (Closed)

朋友經過見到，反正未試過任食蒸氣碢，約埋三五知己試菜。一行十人，預先book咗位，自備酒水不用額外收費(店主話不是所有分店，要先查詢啊。店主話套餐經常改動，今次$328一位，每人可以9種海鮮中揀5款，今次我哋揀咗鮑魚，大元貝，貝殼盆，象拔蚌，龍躉片(只限一次)，然後是任食部份，有奄蟹，花蟹，丸類，肉類，點心類，菜類，飲品類。單睇任食部份種類不是太多，但。。。。。。單是奄蟹已值回票價，店主怕我哋餓住等，送我哋凍花蟹一碟，粥底有三款，我哋揀了南瓜排骨粥同蠔仔粥，一個甜一個鮮，整個晚餐好滿足，可惜只能享用120分鐘。店主溫馨提示，下次再來要有攻略啊