本色鍋品料理

Open Now

Now Closed

呢間夜晚食火鍋既餐廳，午市有港式點心 同埋 台式飯麵小食，今日終於黎試下。.首先叫左兩款港式點心。本色蝦餃皇 $38一籠三粒蝦餃每隻用上湯浸住，蝦餃內裡全是蝦肉，好鮮味。.黑椒豬大腸 $28好耐冇係中式酒樓食呢款點心，豬大腸好林、又有惹味黑椒，整得好好。.然後再叫左兩碗台式拌麵柯仔酥拌麵 $58鹽酥柯仔另上，細細粒炸得好香脆。加上台式粗麵，麵質彈牙，用黎做撈麵好有口感。.肉燥蝦球拌麵 $58呢款都係拌麵，但配以肉燥，令麵非常香滷水味，酥炸蝦球蝦肉好彈牙，啖啖肉。