101
0
0
3-min walk from Exit B4, North Point MTR Station continue reading
All Branches (2)
Telephone
23379668
Introduction
小店提供多特色湯底,一系列手打丸做得出色。 continue reading
Opening Hours
Today
11:30 - 14:30
18:00 - 23:00
Mon - Sun
11:30 - 14:30
18:00 - 23:00
Payment Methods
Visa Master AlipayHK Alipay Cash
Number of Seats
180
Other Info
Online Reservation
Wi-Fi
Alcoholic Drinks
May Bring Your Own Wine
Cake-cutting
VIP Room
Phone Reservation
Reward Dining Points
Delivery
10% Service Charge
TV Broadcast
Spot payment
About Reward Scheme
Signature Dishes
手切肥牛 法國睡蟹鍋 炸釀油炸鬼 秘製布袋雞鍋 黃金海鮮湯 醉翁蝦
Review (103)
Level4 2020-09-14
668 views
好耐無打邊爐啦!今晚約左好友齊齊去想試好耐既本色鍋品料理!位於北角愛群商業中心,鄰近地鐵站,夠哂方便。店員推薦二人火鍋套餐,任選7款湯底,亦可雙併。仲包迷你海鮮拼盤、肉片、雙拼丸、雙拼餃、田園雜菜盤等等,真係超豐富,勁抵食啊!揀完鍋底,店員奉上九宮格醬料盤,可以自選心水醬料或調味料。湯底揀左大魚頭豆腐鍋拼養生美顏鍋,一次過可以試到兩款湯底,正~濃白既大魚頭豆腐鍋好鮮美,養生美顏鍋配料豐富,有薏米、紅棗、豬骨、粟米等,好岩女士們,夠哂養生。迷你海鮮拼盤有齊鮮甜彈牙鮑魚、肉厚清甜花甲王同爽脆海蝦。美國牛頸脊牛味濃郁,豐腴鮮嫩,豐富大理石花紋,口感爽滑。雙拼丸揀左黑松露丸同墨魚丸,口感爽彈細膩,唔會成口粉,黑松露丸啖啖濃郁黑松露味, 墨魚丸彈牙又爽口!雙拼餃揀左香草帶子餃同鳳城水餃,清新香草氣味配鮮美帶子,口感豐富,鳳城水餃皮薄餡靚,爽脆多汁。即炸響鈴新鮮即炸勁香脆,鬆脆又香口。蜂巢豆腐口感特別,有嚼勁,吸湯汁一流。田園蔬菜盤砌得好精美既蔬菜盤,有齊多款菜式,推薦唐生菜、白菜仔同菜心,新鮮爽脆又清甜~配埋彈牙烏冬真係超滿足!期待下次再黎試其他湯底~ continue reading
(The above review is the personal opinion of a user which does not represent OpenRice's point of view.)
真係唔搵都唔知道北角呢度原來有間隱世火鍋店,話說今日同男朋友過開嚟呢邊,因為佢係一個火鍋控,經搜尋底下先至發覺原來喺呢度有間火鍋店職員已經攞咗一盆醬料盤俾我哋,款式都幾多嘢揀,可以按自己嘅選擇整醬汁出得嚟打邊爐梗係叫返個特別啲嘅湯底啦!今日叫咗胡椒豬肚布袋雞做湯底,顧名思義就係用豬肚包住隻雞,因為湯底製作需時,所以叫咗之後都要等一段時間,不過呢個湯底絕對值得等候一大個湯鍋承載着嫩嫩嘅雞肉,因為雞肉開始嘅時候係用豬肚包住,可以令到受熱程度冇咁大,所以就算湯啱啱滾起,雞肉都係非常之嫩,平時做湯底嘅雞肉絕對唔會食,今日竟然我同男朋友都搶着食,特別係佢雞俾肉位置,嫩滑程度爆燈除咗佢個雞之外,當然要試吓佢嘅胡椒豬肚湯,護照豬肚湯比起平時就咁單叫嘅湯水冇咁濃郁,味道相對比較清,不過因為火鍋會越煲越濃關係,個人覺得食到中段嘅時候再飲啖靚湯,嗰時嘅胡椒豬肚湯就係最好味👍🏻不過呢個湯底亦都有佢嘅缺點,就係因為胡椒太多令到食菜嘅時候會沾滿胡椒喺入邊,食起上嚟比較麻煩因為兩個人,所以叫你食都唔算好多,主打一定有牛肉!呢度嘅牛肉用上牛頸脊,識落比平時嘅手打牛肉好味而且帶有牛香味,佢嘅色澤都睇到佢好新鮮,黎到點樣都要叫一份牛頸脊試吓啦如果有選擇困難症,又想試吓唔同嘅手打丸,就可以叫呢個金牌手工丸(豬肉丸,手打鮮牛丸,野生黑松露丸,蟹子鮮蝦丸)兩個人黎食個人都可以試到一款唔同口味嘅手工丸,牛丸雖然唔算超級彈牙,不過佢嘅牛尾都唔錯,蟹子鮮蝦丸同野生黑松露丸比較特別男朋友就比較鍾意食鮮蝦丸,而我就鍾意食黑松露味比較重嘅,好少有加入黑松露元素組成嘅手工丸,鍾意食黑松露嘅人可以試吓另外仲叫咗桂花蚌同野生竹笙等等,每次出去打邊爐都會叫桂花蚌,因為佢嘅新鮮指數唔錯,而且口感彈牙爽口,而且鮮味十足!所以每次都成為我哋打邊爐必點嘅食材之一野生竹笙比平時出邊食嘅厚身,而且爽口過人,不過份量略嫌覺得比較少,如果可以多啲就更加好啦兩個人食嘢嘅選擇唔好一班人咁多,不過呢度嘅食材真係幾新鮮架!有機會再嚟北角嘅時候一定會再試吓佢其他嘅湯底除咗單點之外,其實呢度仲有超優惠嘅火鍋套餐,二人套餐嘅嘢食都唔錯,都只係$488 ,如果覺得唔夠嘅就再另外單點其他嘢食,為起上嚟個價錢都幾抵食㗎 continue reading
(The above review is the personal opinion of a user which does not represent OpenRice's point of view.)
Level1 2020-09-16
219 views
最近受疫情影响好久没和好友聊天吃饭了,趁有时间去北角行下,稳到一间本色鍋品料理门口睇到有台式車仔便當同特色點心,吸引我的係有台湾小香肠我们决定入去试下,台式車仔便當🍱原来还有台湾芋圆仙草同黑糖爱玉。再睇下的餐牌总可以打火锅,有的套餐觉得几抵食二人餐外卖488堂食要加一,今日试试的便當同點心,过两日再同朋友来滚滚火锅本人同朋友觉得很不错哦係附近的朋友可以过来吃 continue reading
(The above review is the personal opinion of a user which does not represent OpenRice's point of view.)
Level4 2020-08-10
315 views
今日突然想打邊爐,諗起朋友推介既宜間,所以突登過黎會一會一到門口,大紅圈成為特色,唔會搵唔倒,更加唔會認錯!店面裝修好新而且好有氣派!揀左好耐都唔知食咩湯底,見倒有個豬肚雞就一於試下. 一黎到已經聞倒好濃既胡椒味,用料十足!平時出面宜啲湯底既料都好鞋口,但宜到既唔會鞋不突止,仲十分軟滑,除左火鍋料,宜個湯底既料都可以慢慢食!飲完個頭淡湯就叫左啲火鍋料,牛肉,脆肉鯇,鵝腸,桂花蚌,竹笙係必點,另外都可以試下店家自打既不同丸類.牛肉唔單止睇落好靚,食落好有牛肉之餘,口感好滑,完全唔會老桂花蚌味道十分十分新鮮,口感都好爽口脆肉鯇真係夠哂脆, 唔似平時出面果啲普通貨, 又唔會有泥味,值得一試!自家制既丸有唔同口味,味道有特色之餘又有咬口,食得出係用料新鮮同真係手打食到咁上下, 落返幾條竹笙, 吸哂湯底精華, 一個字 正!! continue reading
(The above review is the personal opinion of a user which does not represent OpenRice's point of view.)
Level4 2020-07-17
265 views
上星期到北角上唱歌堂,唱完立即放肆去附近吃火鍋🤣 作為台式火鍋店,本色鍋品料理有很多特別台式火鍋湯底、配料、小食及飲品供選擇。👍🏻👉🏻食物:4.3/5▪️膠原養生美顏鍋湯底清淡、滋潤,適合愛美的女士💃🏻。材料豐富,包括豬骨、粟米、薏米、紅棗、杞子、茨實、蜂巢豆腐等等。▪️美國牛頸脊大小厚薄適中,肉質帶少許油香、不會韌👍🏻▪️金牌手工丸有牛丸、豬肉丸、墨丸及蝦丸,手工丸比一般市面雪藏丸類更有鮮味、彈牙👍🏻🤤▪️即炸響玲一份有八件,因為捲得不算太實,所以腐皮間空間較多,口感較鬆化。▪️桂花蚌新鮮超爽口👍🏻推介!▪️鱔片大片、肉質爽,不過骨比較多▪️黑糖桂圓紅棗茶店內飲品選擇多,養生紅棗茶適合長期手腳冰冷的女士。 continue reading
(The above review is the personal opinion of a user which does not represent OpenRice's point of view.)