50
0
0
3-min walk from Exit B3, North Point MTR Station continue reading
All Branches (2)
Telephone
23379668
Introduction
小店提供多特色湯底,一系列手打丸做得出色。 continue reading
Opening Hours
Today
18:00 - 00:00
Mon - Sun
18:00 - 00:00
Payment Methods
Visa Master Cash
Number of Seats
180
Other Info
Wi-Fi
Alcoholic Drinks
May Bring Your Own Wine
Cake-cutting Details
Delivery
10% Service Charge
TV Broadcast
Signature Dishes
手切肥牛 法國睡蟹鍋 炸釀油炸鬼 秘製布袋雞鍋 黃金海鮮湯 醉翁蝦
Review (50)
本色:: 位於北角港運城對面, 雖然我唔係住港島, 但原來過黎呢邊都比想像中近 ~ 員工安排左卡位比我地.. 係好舒服既sofa位 : ) 仲可以對正個電視打邊爐 ~~(湯底張相錯手delete左...>_____<) 我地叫左 膠原養生美顏鍋$198, 湯底好足料呢 材料有人參, 花膠, 桃膠, 瘦肉, 紅棗, 龍眼 飲落好有媽媽煲既湯既感覺, 無味精 ! 好清甜一打親邊爐 真係咩種類都會想試下, 所以海鮮類同肉類都有叫 當然唔少得蔬菜啦 美國牛頸脊$208 口感好軟嫩, 一咬就開 唔會韌, 清甜既湯底 更加突顯到牛肉既香味呢 即炸響鈴$58 同 生根$28 基本上係每次火鍋必叫啊~~ (貪佢地淥幾秒就已經食得xd) 特別鐘意響鈴啊!! 食入口有清脆既sharp sharp聲, 而且食得出無翻炸過呢 第一次試 黑柏葉$58, 朋友話要黎夾麻辣鍋係最正架 不過我覺得配呢個美顏鍋都match啊~~ 食落好爽口呢, 不錯 水魷魚$58同花枝片$88 都好鮮味! 而且配埋清清地既美顏鍋湯底, 更加突顥佢地既鮮味, 食入口更鮮甜 美國桶蠔 超級肥美同新鮮! 熟左食會爆哂汁, 好滋味呢 金牌手工丸$108 係包含左4款丸既拼盤黎架.. 最岩我地呢d款款都想試下既人 手打墨、蝦、牛、豬肉丸, 一次過試哂! 呢個都幾有驚喜呢 估唔到款款都咁彈牙, 而且味道天然, 唔會假/過濃味 食得出係用心手打既丸類 最後 緊係要食埋甜品! 我地試左 芋圓仙草同 檸檬愛玉 ~~ 覺得芋圓可以再煙韌d呢~ 不過味道都唔錯 而檸檬愛玉就好fresh : ) 為呢餐畫上完美既句號~~ 好滿足 : ) continue reading
(The above review is the personal opinion of a user which does not represent OpenRice's point of view.)
Level4 2019-10-09
488 views
星期六放假同老公帶埋兩個姨甥去北角食火鍋,一行四人安排卡位比我地,可能時間較早,反而越夜越多人,店內裝修幾有心思又夠大,讓客人坐得好舒服,又可以邊嘆火鍋邊睇電視,枱面寬闊放火鍋食物完全無問題。湯底揀左滋補花膠白鳳美人鍋 $298店員推介之下就決定,好大個嘅銅煲剩著好期待,先飲湯之後就開波食火鍋,平時 d姨甥唔太飲湯,竟然飲完要再飲,因為個湯好香又濃味豐富膠質,足料湯內有一隻烏雞同其他湯料螺片豬骨藥膳,我地連雞肉都食埋,無得輸。陀地手切牛 $338牛肉賣相色澤靚,食落夠牛味有軟淋。金牌手工丸 $108 用上木做梯級型嘅盛著好珍貴如珠寶,共有四款自家製,牛肉丸,蝦丸,黑松露墨魚丸同豬肉丸,因為手打嘅關係每樣都的的骰骰口感富彈性。新鮮蔬菜金菇新鮮嘅蔬菜金菇簡簡單單已經夠。稻庭烏冬烏冬吸收晒湯嘅精華,麵條又滑質地QQ, 好好味,兩個姨甥嘴 lam lam呀。每枱也有麻油自家混醬完成 continue reading
(The above review is the personal opinion of a user which does not represent OpenRice's point of view.)
Level4 2019-10-01
380 views
酸菜魚食過打邊爐打過有冇諗過其實酸菜魚同打邊爐都可以CROSSOVER呢.北角呢間「本色鍋品」主打特色火鍋同雞煲其中佢個「一品酸菜魚鍋」最為吸引我可以食酸菜魚又可以打邊爐,一舉兩得.餐廳裝修行優雅大氣派環境舒適,座位寬敞仲有多個沙發卡座,直望就係電視好似係屋企打邊爐咁.坐底不久,店員就夜上醬料盤同熱茶有九款醬料,蔥,芫荽,炸蒜,炸蔥,辣椒麻醬,沙茶醬,蒜蓉等醬料費每人$18,茶位每人$8,有加一服務費.其實鍋底有幾款,如滷水鍋,美人鍋等等由於我地係衝住酸菜魚鍋而黎所以一定揀佢啦.一品酸菜魚鍋 鍋底配料有芽菜,酸菜,辣椒,介菜用左一條桂花魚師傅將魚肉連魚皮切成一片片冇哂魚刺,吾洗驚啃到骨每片目測有0.2cm嘅厚度肉質非常嫩滑,味道鮮甜湯頭微微酸香,好惹味.鳳城水餃。自製韭菜餃 有六款餃子可以揀,仲可以雙拼餃子身上沾滿麵粉可見係即叫即包嘅先講韭菜餃,餃子極之薄,裡面包住勁多韭菜全部都係韭菜,冇肥肉架咬落係濃烈嘅韭菜香,正呀!而鳳城水餃,裡面有兩粒鮮蝦仲有木耳,荀絲等口感豐富,鮮味十足,超好味.竹庶茅根甘荀汁 打邊爐一定要飲竹庶茅根,食完都吾會上火竹庶茅根味道清甜,甜度恰到好處既解火又解渴.凍頂山楂酸梅湯 山楂酸梅湯都有解火之用但味道就偏酸微甜我就最中意啦酸酸地,開哂胃,吾會食滯 continue reading
(The above review is the personal opinion of a user which does not represent OpenRice's point of view.)
Level4 2019-09-29
219 views
北角對我嚟講一直充滿濃厚情感,自己第一個英文補習班係北角,自己亦係北角住過幾年,甚至第一份part-time都係北角返工。當年考入心儀既大學,我既恩師正正請我食火鍋本色。今日重遊舊地,點滴在心頭。圓拱形既門面一直係本色最iconic既特色,慶幸他們仍然將門面保留下去。點完菜後職員就立即送上醬料盤,我既醬汁配拾一如以往都係鼓油同炸蒜。食火鍋當然要叫定飲品,竹庶紅甘荀汁一渣都係$42,比起其他火鍋店算便宜。餐廳既湯底幾多款,包括滷水鍋、美人鍋、酸菜魚鍋等等。最後我地選擇酸菜魚鍋。酸菜魚鍋既材料有芽菜,酸菜,紅棗,魚片。湯頭酸香撲鼻,味道清甜不油膩。另外魚片無骨,肉質亦嫩滑,不過略嫌魚片同湯頭唔夠融合,魚片既酸度唔太強烈。無牛不歡既我叫左美國牛頸脊。肉質鮮嫩爽滑,肉味非常濃郁。呢款肉質相對結實既牛肉用嚟打邊爐就最好不過。紐西蘭羊肉片肉質都鮮嫩肥美,不過有少少羶味。本色既蜂巢豆腐口感超級綿密,所以更能索晒湯汁。黑松露丸同我想像有少少出入,以為黑松露係流心餡,不過食落都幾彈牙,黑松露味非常突出。另外三粒係流沙豬肉丸。花枝片一碟有十片左右,職員建議等到花枝片彎曲就食得,口感鮮脆爽口。落單時以為四川麻辣粉係需要放入鍋,上菜先知原來已經炒好左辣度並非善男信女,食完唔夠五秒,辛辣的味覺從舌頭到口腔突然湧出來。最後仲送左甜品,就係晶瑩剔透既桂花糕。對我嚟講,恩師就係我嘅英雄,英雄絕對配得上本色,下次一定要帶恩師嚟食。 continue reading
(The above review is the personal opinion of a user which does not represent OpenRice's point of view.)
北角丹拿道呢間火鍋店,估唔到有咁高水準,今晚試左之後真的讚口不絕👍🏻佢哋有幾款招牌鍋底,包括:滷水鍋、美人鍋、酸菜魚鍋,材料足兼貨真價實,天氣開始涼涼地,我哋決定試吓個滋補花膠白鳳美人鍋$298元🤗混醬當然係指定動作,配料齊備,而且新鮮👍🏻嘩!足料靚湯底好快送上,店員講明真材實料,童叟無欺,大大個銅製火鍋,顯得特別高貴,零舍不同,材料有花膠、原隻烏雞、加上大量滋補藥材,仲有生晒龍眼乾,聞到陣味都已經口水流😋店員服侍周到,還提醒我們小心燙咀,一碗足料的花膠湯,已經放在我面前,咁多藥材煲成嘅濃湯,果然與眾不同,入口濃而不涸,滋補養顏,係時候補充下骨膠原了😍田園蔬菜盤$88,靚到吖,好似擺設藝術品咁,顏色鮮艷,配搭又靚,既美觀又實際,已經有多款蔬菜🥬,非常超值!牛魔王拼盤(小)$328,五款不同部份靚牛,全部標籤好,清清楚楚,食火鍋又點少得吖🤗而我就最Like美國牛肩胛肉和牛頸脊,皆因夠肉味又有咬口,而且新鮮嫰滑,每日飛機✈️運到👍🏻金牌手工丸$108,四款不同自家製的手工丸,整齊擺放在樓梯形狀的木架上,份外高貴,每款兩粒🤗酸梅湯(渣)$42,食火鍋飲就最啱,消滯解渴,酸酸娓娓,店員不時為你加添,服務十分細心,環境舒適,坐得舒服,又冇時間限制,買單人均消費$500左右,真係值回票價👍🏻 continue reading
(The above review is the personal opinion of a user which does not represent OpenRice's point of view.)